Маҳкумияти модаре, ки духтари 11 солаашро ба бистари тоҷири чинӣ даровард
Тибқи иттилои мақомот, Сафарова барои ба шавҳар додани духтари ба синни 14 норасида ва қаллобӣ дар ҳаҷми калон гунаҳкор дониста шудааст. Ба иттилои манбаъ, маҳкумшуда аз соли 2008 монеи таҳсили духтараш шуда, моҳи августи соли 2010 дар шаҳри Душанбе як хонаро ба иҷора гирифта, духтараш -- Мижгонаро ба ақди никоҳи Абдуллажани 35-сола даровардааст: “Дар натиҷа Мижгона ҳомиладор мешавад ва модару шавҳараш ӯро дар таваллудхонаи №1-и шаҳри Душанбе водор ба исқоти ҳамл мекунанд”.
Сафарова инчунин дар он айбдор дониста шудааст, ки бо роҳи қаллобӣ ба боварии шаҳрвандон -- Салимдодов, Қосимов, Мустафоқулов, Дилмуроди Қурғун, Яҳё Самӣ ва Симилзян Кайму даромада, тайи солҳои 2012-2013 аз онҳо зиёда за як миллион доллар гирифтааст. Бо қарори додгоҳ ӯ муваззаф шудааст, ин маблағро баргардонад ва дар ҳаҷми 1000 нишондиҳанда барои ҳисобҳо ҷарима супорад.
Абдуллажан Абдулайтӣ, ки Сафарова духтарашро ба ӯ додааст, яке аз тоҷирони маъруф ва роҳбари ғайрирасмии уйғурҳои Тоҷикистон ба шумор мерафт, ки қаблан барои таҷовуз ба номус ва никоҳ бо ноболиғ 18 сол равонаи зиндон шуд, аммо додгоҳи таҷдиди назар ахиран ин муҳлатро то 10 сол кам кард.
Ин қазия танҳо баъди огоҳ шудани тағои ҷабрдида аз ин ҳол оммавӣ шуда буд ва қаблан “Озодагон” иттилоъ дод, ки модари ин духтар ба ивази қарзаш аз тоҷири чинӣ розӣ шудааст, фарзандаш мавриди истисмори шаҳвонӣ қарор бигирад ва ӯро маҷбур ба исқоти ҳамл кардааст.
Абдулажан Абдулайтӣ аз муссисони бозори “Сомон”, яке аз калонтарин бозорҳои шимоли Тоҷикистон арзёбӣ мешавад, ки соли гузашта барои соҳибии он миёни шаҳрвандони Тоҷикистон кашокаш авҷ гирифта буд. Як сол қабл намояндаи Абдулажан Абдулайтӣ -- Абдукелиму Шадике ба далели нақзи қоидаҳои будубош аз Тоҷикистон хориҷ шуд ва ин кор сабаби кашмакаш барои ишғоли курсии раиси бозори “Сомон“ гардид. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
