19 сен 2015 09:23Тоҷикистон / Сиёсат / Тема дня

Бордюжа: Ҳамлаҳои мусаллаҳона дар Тоҷикистон сабаби бесуботӣ нашуд

Ҳамлаҳои мусаллаҳона, ки ҷонибдорони генерал-майор Абдуҳалим Назарзода, собиқ муовини вазири мудофиа созмон доданд, талоши табадулоти давлатӣ набуда, сабаби бесуботӣ ҳам нашуд. Ин нуктаро Николай Бордюжа, дабири кулли Созмони паймони амнияти дастаҷамъӣ (СПАД) иброз доштааст.

Ӯ дар як мусоҳиба бо шабакаи телевизионии “Россия 24” гуфтааст, “фикр намекунам, ки мо метавонем ин амалҳоро ҳамчун талоши табадулоти давлатӣ ё бесуботии вазъ дар Тоҷикистон арзёбӣ намоем... Фикр намекунем, ин як зуҳуроти хеле ҷиддӣ бошад, ки ҳаводиси манфиро дар пай дошта бошад. Онҷо вазъ ба ҳадди зарурӣ муътадил аст”.

4 сентябр ба Шӯъбаи умури дохилӣ дар Ваҳдат ва Дастгоҳи марказии Вазорати мудофиа дар Душанбе ҳамлаи мусаллаҳона сурат гирифт. Мақомот онро кори дасти Абдуҳалим Назарзода, маъруф ба "Ҳоҷӣ Ҳалим", муовини вазири мудофиа хонданд. Амалиёти зидди гуруҳи "Ҳоҷӣ Ҳалим", ки ба гуфтаи мақомот ба дараи Ромит фирор карданд, 12 рӯз идома кард. 17 сентябр Додситонии кулли Тоҷикистон дар як изҳороти расмӣ гуфт, дар ҷараёни "амалиёти зиддитеррористӣ зиёда аз 600 адад силоҳи оташфишони гуногунтамға ва 11357 дона тирҳои гуногун ёфта, мусодира шуда, зимни муқовимати мусаллаҳона 25 нафар террорист нобуд карда шуда, 125 нафар узви гурӯҳи террористӣ ва ҳаммаслакони онҳо, аз ҷумла 28 нафар бо ҳамкории фаъолонаи аҳолии маҳаллӣ муайян ва дастгир карда шуданд. Мутаассифона, дар ин амалиёт 14 нафар хизматчиёни мақомоти ҳифзи ҳуқуқ ҷони худро аз даст доданд”.

Мӯҳр

Хабарҳои монанд:

Сухроб

27 нафар террорист нобуд карда шуд, на 25 нафар!!!

Ҷавоб диҳед Иқтибос Шикоят

шахром

бародари азиз инхо хаёл карданд ки давлат сохиб надорад, нееее!!!

бародари азиз инхо хаёл карданд ки давлати мо сохиб надорад,,, нееее!!!!!хатои вазнин кардед,,,,,ба ин фикрхои хом шумо вазъи имруаи моро ноором карда наметавонед.......мардуми мо аллакай аз чунин имтихонхо гузаштаанд,,ва ин хатои худро дигар такрор намекунанд иншоолох,,,,КУР ЯКБОР АСОША ГУМ МЕКНА......дуюмбор ки гум кард у дигар кур нест......

Ҷавоб диҳед Иқтибос Шикоят

кулябец

Тамоми табадуллотхои давлати хох манфи ё мусбат ба терроризм дахле надоранд ! Соли 1991 ПУТЧЬ - и Россия аз тарафи Янаев ба терроризм нисбат дода нашудааст . Дар амали террористи террорист дар байни халк даромада халкро хамчун сипар гаравгон мегирад. Мисоли мактаби Беслан, театри Москва . Ман умуман харакати табаддулотии Назарзодаро дасгири намекунам. Чунки окибати ошуби Махмуд ва Гаффор Мирзоев , Лангариевхо сабак барои дигарон буд. Хукумати имрузаро тамоми давлатхо дасгири мекунанд ва хамчун конуни мешиносанд.
Чунки чунин генералхо ва шахсони намоён барои миллати мо лозиманд хох оппозиция бошад ё хукумати. Аз хаёт рафтани генерал Назарзода, полковник Амакиев ва дигарон ин дигар давлатхои ба мо хусумат доштаро хурсанд мекунад. Точикро мукобили худаш гумрох карда шурондан аз азал омадааст. Мо бояд парешон нашавем ва бо рохи гуфту шунид хама корро хал кунем.

Ҷавоб диҳед Иқтибос Шикоят

Карим

Яқинан Бордюжа афсус хӯрда истодааст, ки дар ҶТ бесуботӣ нашуд.

Ҷавоб диҳед Иқтибос Шикоят

Мастчох оббурдон

Поянда бод Точикистони азиз! Ин хел генералхоро нобуд кардан лозим! Нони давлатро мехуранду андеша намекунанд ин хама боигари аз кучо .. Албатта аз ватан халк! Бояд дар атрофи Чаноби Оли Э. Рахмон чамъ шавему ватанамонро обод кунем! Ягон хоричи барои ватану халки мо манфиат намеорад! Ба чуз худамон!

Ҷавоб диҳед Иқтибос Шикоят

Эзоҳ илова кунед