Панҷшанбе, 3 Апрел 2025
Масъули Кумитаи дин: Зоирони тоҷик аз сӯхтор зарар надидаанд

Масъулини Кумитаи дин мегӯянд, дар сӯхтори яке аз меҳмонхонаҳои шаҳри Макка зоирини тоҷик осеб надидаанд.
Афшини Муқим, сухангӯи Кумита оид ба корҳои дин, танзими анъана ва ҷашну маросимҳои миллӣ дар суҳбат бо “Озодагон” гуфт, ҳеҷ як шаҳрванди Тоҷикистон дар меҳмонхонае, ки мавриди сӯхтор қарор гирифт, ҳузур надошт: “Ҳамаи зоирини мо дар меҳмонхонаи “Jawharat Al Osaimi” иқомат доранд. Вазъи саломатии онҳо хуб аст”.
Рӯзи 17 сентябр дар яке аз меҳмонхонаи шаҳри Макка сӯхтор ба вуқӯъ пайваст. Дар хабари расонаҳо гуфта мешавад, дар ин меҳмонхона зоирон аз кишварҳои Қораи Осиё ба сар мебурдаанд: “Мақомоти ҳифзи ҳуқуқи Арабистони саудӣ 1028 зоирро ба ҷойҳои бехатар кӯчонданд”. Телевизиони “Ал-Ахбария”-и саудӣ мегӯяд, сӯхтор дар ошёнаи 11-уми меҳмонхона рух дода, дар пайи он ду нафар ҷароҳат бардоштаанд.
Хабари сӯхтор дар ҳолест, ки рӯзи 11 сентябр бар асари боришоту шамоли сахт борбардори сохтмонӣ дар Масҷид-ал-Ҳароми Макка чаппа шуд, ки дар натиҷа 107 зоир ҳалок ва 238 тани дигар маҷруҳ шуданд.
Мӯҳр
ТАҚВИМ
« Апрел 2025 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | |