18 сен 2015 09:38Тоҷикистон / Иқтисодӣ

“Тасмими TeliaSonera самти кори Tcell-ро тағйир намедиҳад”

Ширкати мобилии Tcell мегӯяд, тасмими TeliaSonera дар мавриди таваҷҷуҳи бештар ба бозори Аврупо самти фаъолияти онҳоро дар Тоҷикистон тағйир нахоҳад дод.

Аз ин ширкат ба “Озодагон” гуфтанд, Tcell дар пайи тавсеаи шабака, роҳандозии технологияҳои муосир ва беҳтар намудани сатҳи хизматрасонӣ аст.
17 сентябр Ширкати шведии TeliaSonera, ки саҳҳоми аслии Tcell мебошад, хабар дод, тадриҷан фаъолияти худро дар Авруосиё қатъ намуда, бештар ба Аврупо рӯ меорад. Ин ширкат ба ҷуз аз Тоҷикистон дар Қазоқистону Узбакистон, Озарбойҷону Молдова ва Гурҷистон фаъолият дорад.
Йоҳан Деннелинд, мудири иҷроии TeliaSonera гуфт, корҳое ки дар давоми ду соли гузашта барои беҳбуди фаъолият дар минтақаи Евразия анҷом гирифт, дигарон метавонанд идома диҳанд.

Улвия Гасанзода, ноиби президенти TeliaSonera Eurasia дар умури коммуникатсия мегӯяд, тасмими гузаштан ба стратегияи нав, ки дар натиҷаи он дороиҳои TeliaSonera дар бозори мухобиротии Тоҷикистон, Қазоқистон, Узбакитстон, Гурҷистон, Молдов, Непал ва Озарбойҷон тадриҷан соҳибони худро дигар мекунанд, қабл аз эълони он гирифта шуда, муҳлати муайян ва механизми фурӯши дороиҳо ҳанӯз муайян нагардидааст.

Миндаугас Убартас, сарвари кулли ширкати Tcell мегӯяд, “Tcell дар бозори телекоммуникатсияи Тоҷикистон 15 сол мешавад, фаъол аст ва бешубҳа аз раҳбарияти TeliaSonera манфиати бузург дидааст. Дар ин муддат мо тиҷорати муваффақ ба роҳ мондем ва стратегияи хуберо коркард намудем. Минбаъд низ барои кори ҳаррӯза талоши зиёд ба харҷ медиҳем. Барои роҳатии муштариён ва таҳкими ҷойгоҳ дар бозори мухобиротӣ бештар кушиш хоҳем кард”.

Мӯҳр

Хабарҳои монанд:

Green

Кормандони кумитаи андоз хаминхоро хам намонданд.

Ҷавоб диҳед Иқтибос Шикоят

Чобир

Рафтани ширкате бо чунин бузурги, ки дар 5 соли охир барои пешбурди ширкати Tsell маблагхои хангуфте ворид намуд, барои иктисоди Точикистон окибатхои номатлубро ба бор хохад овард.
Ба назари ман ширкати Teliasonera-ро ду омили асоси аз бозори Точикистон хорич карда истодаанд: якум андози нихоят баланде, ки Точикистон барои ширкатхои мобили чори кардааст. Хатто Рохбари Билайн изхор дошта буд, ки ба чуз Точикистон мо дигар дар хеч кишваре чунин андози баландро намесупоем. Ба истиснои андозхои баланд боз супоридани андозхои сарбориву чаримахои хангуфти Кумитаи андоз ширкатхои мобилиро ба дод овардааст.
Коршиносон бар он андешаанд, ки махз хамин гуна муносибатхои горатгарона шояд ин ширкатро аз бозори мухобиротии Точикистон берун карда бошад.
Омили дуюмро омили фасод ном мебаранд, ки ширкатхои хоричи ба он одат накардаанд ва мачбуранд, ки худро аз ин кишвар дур гиранд.
Раиси чумхур хеле кушиш доранд, ки сармояи хоричиро ба кишвар бештар ворид намоянд, вале масъулин баръакси онро ичро мекунанд ва ширкатхоро аз Точикистон мегурезонанд. Окибати ин мороба кучо мебурда бошад?

Ҷавоб диҳед Иқтибос Шикоят

Начиб

Все таки есть справедливость )) так им и надо, погрязли в коррупции везде где они работают.

Ҷавоб диҳед Иқтибос Шикоят

Эзоҳ илова кунед