15 сен 2015 13:49Тоҷикистон / Иҷтимоӣ / Рӯ ба рӯ / Тема дня

Санҷиши беморхонаи №20, ки ёрии ройгон ба тоҷикони маҷруҳро рад кардааст

Беморхонаи рақами 20-и шаҳри Маскав, ки табибонаш бидуни пардохти пешакӣ кӯмак ба ду тоҷики маҷруҳшуда дар садамаи нақлиётиро рад кардаанд, мавриди санҷиш қарор хоҳад гирифт.

Дар ин бора Вазорати тандурустии Федератсияи Русия, имрӯз, 15-уми сентябр иттилоъ додааст.

Ба иттилои ҳомиёни ҳуқуқ қазия 4 сентябр, вақте рух додааст, ки Аловиддин Муинов ва Саид Саидов - ду шаҳрванди маҷруҳшудаи Тоҷикистон дар садамаи нақлиётӣ ба беморхонаи №20 шаҳри Маскав интиқол дода шудаанд: “Аммо масъулини беморхона барои як рӯз бистарӣ кардан аз ҳар маҷруҳ 17 ҳазор рубл ва барои ҷарроҳии одӣ 150 ҳазор рубл талаб карда, то рӯзи 7 сентябр муҳлат додаанд”.

Светлана Ганнушкина, як ҳомии ҳуқуқи башар гуфтааст барои дарёфти кумак ба мақомоти баландпояи Федератсияи Русия муроҷиат кардааст, аммо беморон дигар тоқати интизории кумакро надошта хостаанд онҳоро ба Тоҷикистон фиристанд: “Танҳо коре, ки мо барои онҳо метавонистем- харидани чипта ва дорувории сабуккунандаи дард буд, ки анҷом додем”.

Ҳомиёни ҳуқуқ мегӯянд, ҳоло Муинов ва Саидов дар Тоҷикистон табобат гирифта истодаанд. Ҳомиёни ҳуқуқ аз мақомоти Русия талаб доранд, ки қазияи нарасондани кӯмак ба тоҷикони ниёзманд дар беморхонаи Маскав мавриди омӯзиш қарор гирад.

Мӯҳр

Хабарҳои монанд:

мусофир

Эээ хуб мекнанда мада мефора Сабаш ин мо дар тч кадр надорем аз кучо дар русия кадр дошта бошем.

Ҷавоб диҳед Иқтибос Шикоят

Юсуф

Аз рус кӯмак талаб кардан баробари аз мурда кафан хостан аст. Путин фақат аз роҳбарияти ТҶ пуштибонӣ мекунад, на аз халқи тоҷик.

Ҷавоб диҳед Иқтибос Шикоят

махмуди Ашурмухаммад

замони ЧБВ хазорон гурезахои рус дар Точикистон панох бурда буданд,вале насли носипоси онхо точиконро баробари як хас намедонанд.Рус мардум аз кадим некиро намедонист..

Ҷавоб диҳед Иқтибос Шикоят

Дилшод

Урус мардуми хуб буду лек бо милатхои дигар омехта шуд бад шуд аз руи одоб милати рус нохаки кардааст чунки илми тиб барои табобат кардан касам ед мекунад то дусту душманро табобат мекунад аммо касам шикаста шудааст.
Хар ки кори бад кард мебинад

Ҷавоб диҳед Иқтибос Шикоят

Юсуф

махмуди Ашурмухаммад,
Ин рост аст, бародар. Бузургони хонаи мо нақл мекарданд. Лена ном як зане дар хонаи мо низ зиндагӣ мекардааст. Бо кори хона машғул, баробари дигарон гирди дастархон хӯрок мехурдааст. Пас ҷанг ба Русия баргашта, боре аз худ дарак надодааст. Ношукрӣ аз ин зиёд намешавад.

Ҷавоб диҳед Иқтибос Шикоят

Неъматулло

Бародарон хушёр шудан лозим дар ин замон бародар бародарро ёрдам намекунад, кадом кофир парвои мусалмон дорад. Худатонро этиёт кунед, Худо ёратон бод!

Ҷавоб диҳед Иқтибос Шикоят

Сухроб

Бародарон, чи ин кадар ба русхо дарафтодед, чи ой беморхонахои мо аз беморхонахои Руссия фарк мекунад? Худо накунаду коратон ба духтур афтад...

Ҷавоб диҳед Иқтибос Шикоят

Эзоҳ илова кунед