07 сен 2015 09:56Тоҷикистон / Иқтисодӣ

(АКС) Дар Душанбе бо 43 миллиону 850 ҳазор сомонӣ Раёсати консулгарии ВКХ бунёд мешавад

Дар Душанбе бинои 9-ошёнаи Раёсати консулгарии Вазорати корҳои хориҷи Тоҷикистон бунёд мешавад, ки хазинаи он 43 миллиону 850 ҳазор сомонӣ гуфта шудааст.

Дафтари матбуотии президенти кишвар мегӯяд, субҳи имрӯз, 7 сентябр Эмомалӣ Раҳмон ва Сироҷиддин Аслов, вазири корҳои хориҷӣ санги асоси Раёсати консулгарии Вазорати корҳои хориҷиро гузоштанд: “Ин иншоот дар ноҳияи Исмоили Сомонии пойтахт, дар замини масоҳаташ 1937 метри мураббаъ бунёд гардида, аз 9 ошёна иборат хоҳад буд. Фармоишгар - Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон мебошад”.

Ба иттилои манбаъ, Эмомалӣ Раҳмон ба сохтмончиён дастур додаст, бино бо сифати хуб дар муҳлати як сол то ҷашни 25-солагии Истиқлоли давлатӣ сохта шавад. “Раёсати консулгарӣ бо тарҳи зебои меъмории миллӣ ва бо сангҳои ороишӣ сохта шуда, дар ошёнаҳо он утоқҳои кории шуъбаҳо, идораҳо, толори маҷлис бо 110 ҷойи нишаст, китобхона, синфхонаҳои дарсӣ ҷойгир карда мешавад. Барои дар ҳама фасли сол муътадил нигоҳ доштани ҳарорати дохили бино он бо тамоми таҷҳизоти техникии муосир таъмин мегардад. Ба ғайр аз утоқҳои барҳавои корӣ, ки бо шароити замонавӣ барои коргузорӣ бунёд мешавад, дар таҳхона таваққуфгоҳи зеризаминӣ барои мошинҳои коргарон, анборхона, зеристгоҳи барқӣ ва дигар утоқҳои техникӣ ҷойгир мегардад. Инчунин дар ошёнаи якум утоқи қабули меҳмонон, қабули муштариён бо 134 ҷой ва 8 утоқи иҷозатномадиҳӣ бунёд мешавад”,-меафзояд манбаъ.

Мӯҳр

Хабарҳои монанд:

Истиклол

ОФАРИН ЧАНОБИ ОЛИ,

Ҷавоб диҳед Иқтибос Шикоят

Сафир

Дигар кор надоран хар руз як бино месозан. О хаму бинои бохашамати ВКХ бас нест ?

Ҷавоб диҳед Иқтибос Шикоят

Сифоиза

Раёсати консулӣ чӣ дошта бошед, ки бинои алоҳидае месохтаст.

Ҷавоб диҳед Иқтибос Шикоят

Фархангдуст

бехтарин аст ин икдом, хушхол мебудем, ки дар баробари дигар макомотхо бинои Вазорати фархангро бо чунин тархи замонави месохтанд, чунки рузе мешавад дар болои кормандони он сакви вазорат меафтад. Бо умеди орзуи ободони ва рушди миллати бо фарханг.....

Ҷавоб диҳед Иқтибос Шикоят

мехрдод

Зинда бош, эй Ватан Точикистони озоди ман

Ҷавоб диҳед Иқтибос Шикоят

Юсуф

Бо тамоми камбудӣ ва норасоиҳояш ман ба Вазорати корҳои хориҷӣ эҳтиром қоилам. Ин ягона идораи бузурги давлатӣ аст, ки дар пештоқи иморат номашро бо тоҷикӣ ва англисӣ, забони байналмилалӣ навистааст, на ба русӣ, ки дар дигар вазоратҳо дида мешавад. Ин далели шуҷоат ва эҳсоси баланди ватанпарастии коргарони ВКХ аст. БО ИСТИФОДА АЗ ФУРСАТ ҲАМАИ КОРГАРОНИ ОН ВАЗОРАТРО БО ҶАШНИ ФАРХУНДА - РӮЗИ ИСТИҚЛОЛИЯТ ТАБРИК МЕГӮЯМ. Байрақи истиқлолиятро баланд бардоред, бародарон.

Ҷавоб диҳед Иқтибос Шикоят

Эзоҳ илова кунед