03 сен 2015 09:58Тоҷикистон / CV / Иҷтимоӣ / Рӯ ба рӯ / Тема дня

Бедаракшавии Ҷаҳонгири донишомӯз: Барои дафтару қалам рафта буд...

Ҷаҳонгир Насриддинов, донишомӯзи 15-сола аз шаҳри Душанбе чаҳор рӯз мешавад, бедарак шудааст.

Пайвандони Ҷаҳонгир дар суҳбат бо “Озодагон” гуфтанд, субҳи 31 август барои хариди дафтару китоб аз хона берун рафта, то ҳол барнагаштааст.

Ҷаҳонгир Насриддинов зода ва сокини маҳаллаи 63-и ноҳияи Фирдавсии шаҳри Душанбе мебошад. Наздикони ӯ аз сокинони кишвар даъват доранд, агар дар бораи макони будубоши вай маълумоте доранд, бо рақамҳои 937358270 ва 901178522 тамос гиранд.

Ин дар ҳолест, ки қаблан волидайни Идимоҳ Давлатова, донишомӯзи синфи 2 аз ноҳияи Хуросони вилояти Хатлон ҳам аз бедарак шудани фарзанди худ хабар дода буданд. Онҳо дар суҳбат бо “Озодагон” гуфтанд, Идимоҳ Давлатова рӯзи 20 июли соли равон аз назди бозори марказии ноҳияи Хуросон ғайб задааст. Ба қавли ҳамсуҳбатони мо, Идимоҳ Давлатова он рӯз назди модари худ ба бозор омада, ҳангоми бозгашт ба хона бедарак шудааст. Навбатдори Шӯъбаи корҳои дохилии ноҳияи Хуросон хабари бедарак шудани донишомӯзро тасдиқ карда, гуфт, ҷустуҷӯи ин духтарак идома дорад ва бо гузашти беш аз 40 рӯз ҳатто фарзияе низ дар мавриди куҷо будани ӯ рӯи даст надоранд.

Мӯҳр

Хабарҳои монанд:

Ҳоҷи

Ҳамкасбони мӯҳтарам, аққалан талаба ва ё хонанда гӯед. Охир дар забон ҳамин калимаҳо ҳаст ку, чаро "донишомӯз" гуфта мардумро ба иштибоҳ меандозед? Агар маъқулатон нашуд, узр....

Ҷавоб диҳед Иқтибос Шикоят

Шахрванд

Аз хамин редаксия илтимос, як махзани маълумот дар бораи гумшудагон тартиб дихед ва онро харруз бо пайдо шудани чунин хабархои шум дар дилхох васоити ахбори оммаи кишвар пурра намоед. Охир шахс гаштаю баргашта тахлил намуда, ба хулосае меояд, ки барои кишваре чун Точикистон бо ахолии 8 миллион нафарааш ин ракамхо хеле калон ва хатарзоянд. Хусусан, бо дар назардошти урфи мардуми мо, ки дар аксари макон мардум якдигарро мешиносанд ва ингуна холат набояд ба вукуъ пайвандад. Манзури банда ин ки наход бо ингуна рафтуо чунин шумораи азим бедарак гайб зананд. Ин фактхо, ки аз чониби шумо чамъовари шуданд, мешавад ба идорахои марбута гушзарб зад, ки эй волихо ин вазъ ташвишовар аст, шояд он замон аз дигар тартиби кор пеша кунанд.

Ҷавоб диҳед Иқтибос Шикоят

фарҳат

Ҳамин рӯз ин эълонро дар дасти ронандаи хатсайри №52 дидам. Ронанда иброз медошт, ки Ҷаҳонгир пулчинакӣ нақлиёти ӯ будааст.

Ҷавоб диҳед Иқтибос Шикоят

Абдуллоҳ

Ҳоҷи,
мардуми босавод ҳеҷгоҳ аз вожаи тоҷикии асил ба иштибоҳ намераванд
аммо талаба ва хонанда яке арабӣ ва дигаре калимаи бисёр дар сатҳи паст сохташудаи даврони Шуравист ки аз забонҳои русӣ ва узбакӣ ки асос ва нуфузи зиёд дар забони мо доштанд гирифта шудааст
ҳамаи онҳое ки забони ноби тоҷикиро намефаҳманд хеле зуд бо ҳамин баҳонаи эронча ва авғонча(ҳол онки ҳамон пасванди ЧА узбакист) тоҷикони асил ва гуяндагони забони асилро мутаҳам мекунанд!!!
ЗАБОНРО ЁД ГИРИФТАН ДАРКОР ДИГАР ШУРАВӢ БАРНАМЕГАРДАД ВА ДИГАР ТОШКАНД ҲОКИМИЯТ НАМЕРОНАД БА МО(АЛБАТТА ЯК СОЛИ АХИР ДУБОРА БА МАШВАРАТЧИИ МО ТАБДИЛ ШУДААСТ КИ ОСОРАШРО ДАР КУЧАВУ БОЗОР МЕБИНЕМ - ИҶРОИ СЕНАРИЯЕ КИ КАРИМОВ 10 СОЛ ПЕШ ДАР ҶОМЕАИ УЗБАКИСТОН ИҶРО КАРД )

Ҷавоб диҳед Иқтибос Шикоят

Эзоҳ илова кунед