02 сен 2015 11:41Тоҷикистон / Иҷтимоӣ / Тема дня

Куштори ду нафар дар Суғд: Яке бо ресмони алафбандӣ, дигарӣ бо корд

Вазорати умури дохилии Тоҷикистон аз боздошти ду нафар бо иттиҳоми куштор хабар дод.

Тибқи иттилои ин ниҳод, якуми сентябр дар пайи як амалиёт марди 29-солаи сокини ноҳияи Ғончӣ барои содир намудани ҷинояти куштор дастгир гардидааст. Манбаъ мегӯяд, гумонбаршуда рӯзи 17 август, тахминан соати 13:00, дар оғилхонаи ҳавлии истиқоматиаш марди 36-солаи сокини ноҳияи Истаравшанро бо ҳамсари 29-солааш дар ҳолати ишқварзӣ дида, аз ҳиссиёти рашк ӯро бо ресмони алафбандӣ бӯғӣ кардааст: “Сипас, барои рӯйпуш намудани ҷинояти содирнамудаи худ, ҷасади ӯро ба куҳи наздики деҳаашон бурда, дар зери дарахти арча гӯронидааст”.

Манбаъ меафзояд, рӯзи гузашта (1 сентябр) тахминан соати 07:30, ҷасади зани 46-солаи сокини ноҳияи Ҷаббор Расулов бо аломатҳои марги маҷбурӣ, яъне захмҳои халандаю буранда дар қисмати қафаси синааш дарёфт гардидааст: “Зимни гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 20-солаи сокини ноҳияи Спитамен ҳамчун гумонбар дар содир намудани ҷинояти мазкур дастгир гардид”.

Ба иттилои ВКД, тафтишот муайян намудааст, ки гумонбаршуда 30 август, тахминан соати 15:50, дар ҳавлии истиқоматии зани марҳум ҳамчун меҳмон қарор дошта, аз сабаби муноқишаи ба миён омада бо корди хоҷагии дар дасташ буда, якчанд маротиба ба аъзои бадани ӯ зада, номбурдаро ба ҳалокат расонидааст: “Нисбати ин ду ҳодисаи куштор парвандаи ҷиноятӣ оғоз гардида, тафтишот идома дорад”.

Мӯҳр

Хабарҳои монанд:

Занашро хам куштааст е не?

Ҷавоб диҳед Иқтибос Шикоят

Беном

Ин мард бояд занашро мекушт на он мардро Агар зан нахохад марди бегона дар огилхонаи дигар кас чи мековад.

Ҷавоб диҳед Иқтибос Шикоят

Шамсия

Агар онхоро хангоми ишкварзи дастгир ва катл карда бошад у гунохе надорад. Зеро чинят дар холати сахти эхсоси рух додааст. У бояд он лахза хардуро мекушт

Ҷавоб диҳед Иқтибос Шикоят

Эзоҳ илова кунед