31 авг 2015 10:42Тоҷикистон / CV / Иҷтимоӣ

Номаи таслияти сафири Эрон дар робита ба даргузашти Акбари Саттор

Ҳуҷҷатуллоҳ Фағонӣ, сафири Эрон дар Тоҷикистон бо ирсоли номае унвонии Иттифоқи журналистони кишвар дар робита ба даргузашти Акбари Саттор, рӯзноманигор ва раҳбари ин иттифоқ ҳамдардӣ баён кардааст.

Дар номаи сафири Эрон аз ҷумла омадааст, “даргузашти ҷаноби Акбари Саттор - раҳбари Иттифоқи журанлистони Тоҷикистонро ба наздикон ва ҳамкорони марҳум таслият гуфта, барои марҳум мағфират ва раҳмати илоҳию ба бозмондагон сабри ҷамил хоҳонем”.

Раҳбари Иттифоқи журналистони Тоҷикистон зуҳри 28 августи соли равон аз олам даргузашт. Ҷанозаи ӯ субҳи 29 август дар деҳаи Мортепаи ноҳияи Ҳисор - зодгоҳаш баргузор шуд.

Акбари Саттор 10 феврали соли 1965 дар деҳаи Мортеппаи ноҳияи Ҳисор ба дунё омада, фориғуттаҳсили факултаи журналистикаи Донишгоҳи давлатии Ленинград мебошад. Фаъолияти кории худро дар нашрияи парлумонии Тоҷикистон бо номи “Садои Мардум” оғоз кардааст. Аввалин нашрияи худро дар соли 1994 бо номи “Дайджес пресс” рӯйи чоп овардааст. Акбари Саттор дар ҳоли ҳозир мудири кулли Ҷамъияти масъулияташ маҳдуди "Чархи гардун", ки 5 нашрия тобеи он аст, бар уҳда дошта, ҳамзамон раиси Иттифоқи журналистони Тоҷикистон буд.

Мӯҳр

Хабарҳои монанд:

Майрамбону

Аз "Озодагон";
Муҳиддин Идизода, журналисти точик, хабари даргузашти Акбари Сатторро “наштари чонсузе бар қалбу чону чигар” хонд. У гуфт, “чанд муддат пеш ҳамроҳ бо у суҳбат доштам ва шухиомез месароид: "Рав, "Чархи гардун"-ро бигу, Акбар видоят карду рафт..." Гуё медонист, ки баъд аз чанде сафари охират дорад...”
(«Радиои Озоди», 31 августи с. 2015).
«Рав чархи гардунро бигу, Акбар видоят карду рафт»,
Ахли каламро нома дех, Акбар дуоят карду рафт
Марди хунар, марди заки, дар зиндаги фарди сахи,
Аз заъфи дил, дарди чигар, Акбар шикоят карду рафт.
Дарди Ватан, дарди сухан, дарди замону ин макон,
Бо килку бо сехри сухан, Акбар хикоят карду рафт.
Эй хамсару хамрози у, уро магу ту бевафо,
Дар вопасин харфу нафас, Акбар садоят карду рафт.
Эй хамкалам, ахли назар, сохибдилу сохибсухан,
Чони чавони хешро, Акбар нисорат карду рафт.
Бурибеки Худобахш.
(Помир).

Ҷавоб диҳед Иқтибос Шикоят

Эзоҳ илова кунед