29 авг 2015 12:29Тоҷикистон / Сиёсат

ВКД “парчамбардори аслии ДИИШ" дар Шаҳритусро меҷӯяд

Вазорати умури дохилии Тоҷикистон мегӯяд, нафари аслӣ дар насби парчами сиёҳ дар ноҳияи Шаҳритусро мавриди пайгард қарор додааст.

Аз ин ниҳод, имрӯз, 28 август ба “Озодагон” иттилоъ доданд, дар робита ба қазияи насби парчам дар ноҳияи Шаҳритус чанд ҷавонро боздошт кардаанд: “Маҳмадалӣ Абдуллоев, яке аз муттаҳамони асосӣ феълан ҷустуҷӯ мешавад”.

Ба иттилои манбаъ, Абдуллоев қасд доштааст, нафареро ҳамчун фидоӣ ё худкуш омода кунад, аммо ба ин ҳадафи худ нарасидааст. Яке аз боздоштшудаҳо дар гузориши телевизионии ВКД, ки шоми рӯзи гузашта нашр шуд, гуфт, “занг зад, вохӯрдем, баъд гуфт, ки ба ман як одаме лозим аст, ки фидоӣ бошад, нотарс бошаду рафта милитсияи ноҳияи Шаҳритусро бикафонад”.

Дар гузориш гуфта шуд, парчами сиёҳро ин ҷавонон соати яки шаб насб кардаанд: “Вале тааҷубовар он аст, ки чаро набудани фарзандон падару модарони онҳоро ба ташвиш нагузоштааст, ва ё масъулони муасисаҳои таълимие, ки ин ноболиғон таълимгирандаи онҳоянд, киро чигуна таълим додаанд, ки имрӯз онҳо ба ҷомеа хатару таҳдид мекунанд”.

Аз Вазорати умури дохилӣ ба “Озодагон” иттилоъ доданд, ҳолати насби парчами сиёҳ дар шаҳри Норак низ ба қайд расидааст. Дар гузориши телевизионӣ ҳам ба ин нукта ишора шуда, таъкид гардид, “ин ҷавонони гумроҳ, ки шумораашон наздики 20 нафарро ташкил медиҳад, заррае ба диёру зодгоҳи худ манфиате нарасонида, боз ба дому найранги ифротиёни бадхоҳи миллат афтода, аз пайи озору зиёни Ватани худ шудаанд”.

Манбаъ афзуд, Додгоҳи Шаҳритус волидони ин афродро бар асоси моддаи 90-и қонун “Дар бораи масъулияти падару модар дар таълиму тарбияи фарзанд” ба ҷавобгарии маъмурӣ кашидааст: “Гумонбарон ба ҷавобгарии ҷиноятӣ кашида мешаванд”.

Қаблан, бархе расонаҳо аз насби парчами сиёҳ бо навиштаи "Аллоҳ", ки ба парчами гуруҳи террористии ба ном "Давлати исломӣ" монанд аст, дар ноҳияи Шаҳритус хабар доданд.

Мӯҳр

Хабарҳои монанд:

АбУбАкР

Марг ба чунин Точике ки ба миллат, ватан модари худ хиëнат мекунад. Ба ин хоинон бояд ч,азои сангин дода шавад. Садкаи ин ватани орому осуда шавед, ч,ох,илони ок,ипадар. Ин ч,ох,илон на саводи исломи доранду на саводи дуняви факат дили кинадору сиëх доранду халос.

Ҷавоб диҳед Иқтибос Шикоят

Polat

Он нафаронеки боздошт шудан онхо бегуноханд.

Ҷавоб диҳед Иқтибос Шикоят

Шавкат

Дар Панчакент низ парчами сиехро насб кардаанд.

Ҷавоб диҳед Иқтибос Шикоят

Тозиёна

Шумо қоидаи грамматикии кадом забонро улгу ихтиёр кардкд намедонам, аммо забони товиеиӣ бтсёр ҳам навишти содда ва фаҳмо дорад. Ба ҷои "нафари аслӣ дар насби парчами сиёҳ дар ноҳияи Шаҳритусро мавриди пайгард қарор додааст" - ғалат ҳам ҳаст - дуруст мешавад "нафари аслиро дар насби парчами сиёҳ дар ноҳияи Шаҳритус мавриди пайгард қарор додааст"

Яъне, Шахсеро дар ҷое ё маконе ҷустуҷӯ кардан на Шахсе дар ҷоеро ....

Ҷавоб диҳед Иқтибос Шикоят

Афзал

Чунин безорихо на ба ватан даркоранду на ба падару модарашон, вагарна соати 1-и шаб модарро чи гуна хоб мебарад, ки фарзандаш дар хона нест?!. Кош давлати мо низ мисли баъзе давлатхои берахм нисбати хиёнаткорони ватан хукми катл медошт. Ин ношукрхо сазовори сахттарин чазоянд!

Ҷавоб диҳед Иқтибос Шикоят

Самад

Ин Чи шурест,ки дар даври камар мебинам.

Ҷавоб диҳед Иқтибос Шикоят

Эзоҳ илова кунед