28 авг 2015 07:52Тоҷикистон / Иҷтимоӣ / Тема дня

Facebook дар Тоҷикистон замоне масдуд шуд, ки боздидкунандаҳояш ба миллиард расид

Теъдоди боздидкунандаҳои Facebook дар як рӯз бори нахуст ба як миллиард расидааст. Бунёдгузори ин шабакаи иҷтимоӣ -- Марк Сукерберг 28 август дар саҳифаи худ навишта, ин ҳолат душанбеи 24 август ба вуқӯъ пайваст.

“Рӯзи душанбе аз ҳафт як сокини Замин аз Facebook истифода кард, то бо дӯстон ва аъзои хонавода иртибот барқарор созад”,-навиштааст Сукерберг. Ӯ аз ҳамаи корбарони ин шабакаи иҷтимоӣ изҳори ташаккур кардааст.

Ин дар ҳолест, ки аз субҳи 25 август дастрасӣ ба Facebook дар Тоҷикистон масдуд шудааст. Радиои "Озодӣ" бо такя ба як манбааш аз Хадамоти алоқа навишт, дар нимаи дувуми рӯзи душанбе ба ширкатҳои интернетрасон гуфтаанд, "Фейсбук" ва "Ютуб"-ро барои як муддат масдуд кунанд. Аммо ин манбаъ далели масдуд кардани шабакаҳои иҷтимоиро шарҳ надода, танҳо гуфтааст: “Субҳи имрӯз низ ба ширкатҳои дастраскунандаи Интернет нома фиристода шуд, то ин ду шабакаи иҷтимоиро муваққатан бубанданд".

Моҳи августи 2013 Сукерберг бунёди Internet.org-ро роҳандозӣ кард, ки Ericsson, Nokia, Samsung, Opera Software, Qualcomm ва чанд ширкати маъруфи дигар шомили он ҳастанд. Ҳадафи аслии он фароҳам кардани интернети ройгон ба панҷ миллион нафар дар тамоми ҷаҳон мебошад. Facebook дар ҳамкорӣ бо шариконаш мехоҳад суръати таҳвили додаҳои электрониро тезонад ва арзиши пайвастан ба интернетро даҳ баробар коҳиш бидиҳад.

Мӯҳр

Хабарҳои монанд:

беватан

Муштариёни Facebook ба миллиард расид
5 октябр 2012, 04:15

Facebook, шабакаи маъруфи иҷтимоии Интернет эълон кард, ки аз хизматрасониҳои он миллиард нафар истифода мекунад.

Марк Сукерберг, бунёдгузори Facebook изҳор доштааст, ки «кӯмак ба миллиард нафар кори ҷолиб ва масъулиятнок аст».

Аммо коршиносон мегӯянд, бо вуҷуди афзоиши теъдоди истифодабарандагон Facebook дар биржа чандон муваффақият ба даст наовардааст ва арзиши саҳмияҳои он рӯзҳои ахир боз коҳиш ёфт.
соли 2012чунимнхабарчопкардедокоён шумозхобедёмаст

Ҷавоб диҳед Иқтибос Шикоят

олим

соли 2012 1милиард истифотабаранда дошт. аммо 24 август 1миллиард дар сайт буданд. инхел маьнояш

Ҷавоб диҳед Иқтибос Шикоят

Эзоҳ илова кунед