Сарвазир: «Ман шоҳин нестам, як одами оддиям…»

Нахуствазири феълии Русия, ки алъон номзад ба мақоми президентии ин кишвар шудааст, худро «серкортарин» роҳбари ин давлат унвон кард.

---

Владимир Путин ин нуктаро зимни як нишасти матбуотии вижааш дар «Кохи Сафед»-и Маскав дар ҳузури роҳбарони се шабакаи телевизионӣ: РТР, ОРТ ва НТВ иброз дошт. Ӯ гуфт: «Ман аз ҷумлаи сарварони пуркори иРусия аз замони ҷанги дуюми ҷаҳон ба ин сӯ ҳастам, аммо бо ҳамаи ин нигоҳ накарда, суботи давлати мо ҳанӯз ҳам осебпазир аст». Нахуствазири Русия ҳамчунин афзуд, чанд қадами носанҷида кофист, ки кишвари мо дигарбора ба вартаи хараҷу мараҷ ва бебандубории мутафовит ба солҳои 1998-99 баргардад.

Путин ба суоли Олег Добродеев, сарвари ширкати давлатии телевизионии Русия (РТР), ки аз ӯ пурсид, шуморо аслан шоҳини сиёсат ва ҳукумат мегӯянд, на кабӯтар… ин ба назаратон аз чӣ далолат мекунад, ҷавоб дода гуфт: «Шоҳин паррандаи хуб аст, аммо ман одамам, на бештар аз ин. Ва вобаста ба вазъу мавқеъ мавзеъгирӣ мекунам».

Маврид ба ёдоварист, Владимир Путин дар интихоботи раёсатҷумҳурии соли 2000 дар Русия пирӯз шуда, тайи ду давра, то соли 2008 курсии президентиро дар ин кишвар ишғол карда буд.{jathumbnail off}

Мӯҳр