18 авг 2015 16:32Тоҷикистон / Иҷтимоӣ

Ҳалокати ду пиёдагард дар шимол ва ҷануби Тоҷикистон

Вазорати умури дохилии Тоҷикистон аз ду садамаи маргбор дар ду рӯзи ахир хабар додааст.

Бино ба иттилои ин ниҳод, рӯзи 17 август ронандаи автомашинаи “ГАЗ-53”, марди 47-солаи сокини ноҳияи Хуросон, ҳангоми ҳаракат аз самти маркази ноҳия ба самти ноҳияи Абдураҳмони Ҷомӣ, дар роҳи нақлиётгарди “Душанбе-Қӯрғонтеппа”-и ҳудуди ҷамоати деҳоти Садриддин Айнӣ, бехатарии ҳаракати роҳро риоя накарда, пиёдагарди ноболиғ, писарбачаи 7-сола, аз деҳаи Коммунизмро пахш намудааст: “Дар натиҷа писарбача ҷароҳати вазнини ҷисмонӣ бардошта, ҳангоми ба беморхона дастрас намудан, дар роҳ ба ҳалокат расидааст”.

Манбаъ меафзояд, як рӯз қабл аз ин, 16 август, “ронандаи автомашинаи “ВАЗ-2106”, марди 43-солаи сокини шаҳри Панҷакент, аснои ҳаракат дар роҳи нақлиётгарди “Панҷакент-Айнӣ”, аз уҳдаи идораи воситаи нақлиёт набаромада, пиёдагард, зани 49-солаи сокини деҳаи Сучинаи ҳамин ноҳияро пахш намудааст”.

Ба иттилои сарчашмаи хабар, дар натиҷа пиёдагард ҷароҳати вазнини ҷисмонӣ бардошта, дар роҳ ба беморхона ба ҳалокат расидааст.

Мӯҳр

Хабарҳои монанд:

ФАРХОРИ

АЗ КОРМАНДОНИ БДА ХОХИШ КАРДА МЕШАВАД ДАР ГУЗАРГОХОИ ШАХР КАМЕРАИ ШАХРИ БЕХАТАР ЗАДА ШАВАД.БОЯД МОШИН ИСТАД ОДАМ ГУЗАРАД ХОЗИР ОДАМ МЕИСТАД МОШИН МЕГУЗАРАД.ИЛТИМОС ХАМИН МАСЬАЛАРО БИНЕД.ИЛТИМОС АЗ ШУМО.ДАР ХАМАИ ХАМИН ФАЛОКАТУ САДАМАВУ ЧИ МАРГУ МУРДАЕ МЕШАВАД БА ХАМААШ НАЧАЛЬНИКИ ГАИ РЕСПУБЛИКА ГУНАХКОР ВА ДАР ХАКИ ХАМАИ ИНХО ЗОМИН ВА ЧАВОБГАР АСТ ДАР НАЗДИ ПАРВАРДИГОР.БАРОИ КИ ЭКЗАМЕН НАГИРИФТА ХУЧАТХОИ РОНАНДАГИРО МЕФУРУШАНД.ОЗОДИ МАН СУХАНИ ХАКРО ГУФТАМ АЗ БАРОИ ХУДО ЧОП КУН.НАКАРДИ ТУ ХАМ ГУНАХКОР ХАСТИ.

Ҷавоб диҳед Иқтибос Шикоят

Эзоҳ илова кунед