18 авг 2015 10:44Тоҷикистон / CV / Иҷтимоӣ

Убайдуллоев хост, фаъолияти корхонаҳои истеҳсолкунандаи қуму сангреза санҷиш шаванд

Маҳмадсаид Убайдуллоев, шаҳрдории Душанбе бори дигар масъалаи санитарию экологии пойтахтро ба миён гузошта, дастур додааст, дар нуқтаҳои партовҷамъкунӣ дурбинҳо насб ва назорат ҷиддӣ гирифта шавад.

Шавкат Саидов, сухангӯи Убайдуллоев дар суҳбат бо “Озодагон” гуфт, ин масъала дар ҷаласаи корию ихтисосии шаҳрдорӣ бо ширкати роҳбарони сохторҳои алоҳидаи масъули ҷумҳуриявию шаҳрӣ ва раисони Комиссияҳои доимии Маҷлиси вакилони халқи шаҳри Душанбе ба миён гузошта шудааст.

Ба қавли ӯ, “дар ҷаласа масъалаи аз ҷониби сохторҳои зидахли ҷумҳуриявӣ мавриди санҷиш қарор додани ҳолати санитарию экологӣ, пешбурди назорат аз ҷараёни то 31 августи соли 2015 муттасил дар назди 1116 нуқтаҳои партовҷамъкунии шаҳраку маҳаллаҳо, бо насби камераҳои мушоҳидавӣ аз соати 05 то 20, дар се бахши панҷсоата, мутаносибан роҳандозӣ намудани навбатдории кормандони раёсатҳои истифодабарии роҳҳои ноҳияҳо, масъулини сохторҳои шаҳрию ноҳиявӣ ва мақомоти худфаъолияти ҷамъиятӣ ва санҷиши вазъи беҳдошту истифодабарии дарёҳои марзгузари шаҳр, қабл аз ҳама фаъолияти корхонаҳои саноатии ба истеҳсоли қуму сангреза машғулбуда баррасӣ шуда, аз ҷониби Убайдуллоев дастуру супоришҳо дода шуд".

Инчунин, дар ҷаласаи рӯзи 17 августи Убайдуллоев бо назардошти фарорасии соли нави хониш дар мактабҳои системаи маорифи шаҳр масъалаи омодабошии мактабҳо ва баланд бардоштани масъулияти коллективҳои омӯзгорию кумитаҳои падару модарон дар роҳандозии таълиму тарбияи босифат ва зери назорати доимии ҷамъиятӣ, пеш аз ҳама назорати интерактивии волидону комиссияҳои марбутаи Маҷлисҳои вакилони халқи шаҳру ноҳияҳои пойтахт қарор додани раванди таълим дар мактабҳо аз ҷониби Раиси шаҳр ба риштаи таҳлил кашида, ба роҳбарони соҳа дастурҳои мушаххас дода шуданд.

Мӯҳр

Хабарҳои монанд:

Чоми

Бисёр икдоми хуб Мухтарам Маҳмадсаид Убайдуллоев як чизи дигаро ман кайд кунам,ки дар н.Рудаки махалаи Шапкина дар назди дарё 3-то корхонаи куму шагал хаст ягон мошинхои онхо санчида намешаванд хучат надоранд аз меъёр зиёд бор мекунанд рохоро вайрон кардаанд бо рохи асоси намераванд аз тарси кормандони БДА-ро акалан рохи худашонро таъмир намекунанд дар назди сохил партовгох ташкил карданд Милитсияи Экологи ягон маротиба ончоро назорат намекунад хама сеххои хасиб барори устагонхояшонро дар лаби дарё мепартоянд Мухтарам Маҳмадсаид Убайдуллоев як ин бетамизонро гуштоб кунед аз шумо минадорем барои чунин хизматхо барои халки азизамон

Ҷавоб диҳед Иқтибос Шикоят

Хасан

КАНДАША ЗАНА МУХТАРАМ УБАЙДУЛЛОЕВ ИН ШАХСИЯТИ БУЗУРГ БА ХАМА ЧИЗ АРЗАНДА АСТ ИН ХЕЛ СИЁСАТМАДОР ДАР ТОЧИКИСТОН НЕСТ БИГЗОР ХАМА СИЁСАТМАДОРОНИ ТОЧИК БА МИСЛИ УБАЙДУЛОЕВ БОШАНД НАИНКИ ДАР ФИКРИ ПУР КАРДАНИ КИСААШОН

Ҷавоб диҳед Иқтибос Шикоят

sator

Бенихоят икдоми хуб дар нохияи Сино кишлоки Лучоб 2-то корхонаи коркарди куму сангреза фаъолият менамояд намедонам аз чи бошад ягон бор аз чониби давлат тафтишот намешавад ба фикрам на налог месупоранд на пули барк як бор хаминхорохам тафтиш мекарданд нагз машуд бар замми ин оби пас аз шустушуи кум оби лойкати ба дпрёи Лучоб чори мешавад бад рафта ба дарёои Варзоб илтимос як бор санчида бинен барои саломатии мардум зарар дорад.

Ҷавоб диҳед Иқтибос Шикоят

Эзоҳ илова кунед