05 авг 2015 14:56Тоҷикистон / Иҷтимоӣ / Видео

ВИДЕО: Боло бурдани нархи обу барқ ва роҳкиро “ягон ҷойи даҳшат надорад”?

Назар Одиназода, муовини аввали раиси Хадамоти зиддиинҳисории Тоҷикистон дар нишасти ахири матбуотии ин ниҳод нияти мақомоти соҳавиро барои боло бурдани арзиши хизматрасонии обу роҳкиро дар Душанбе тасдиқ намуда, гуфт, корхонаи “Хоҷагии манзилию коммуналии Тоҷикистон” барои боло бурдани нархи хизматрасонӣ барои об то 38 дарсад ва муассисаи давлатии “Душанбенақлиётхадамотрасон” барои боло бурдани роҳкиро то 14-15 фоиз, ба ин ниҳод муроҷиат кардаанд.

Ба қавли номбурда, хадамот пешниҳодҳои мазкурро омухта хулосаҳои худро ба мақомоти дахлдор ироа кардааст. Ӯ инчунин таъйид намудааст, ки нархи хизматрасониҳои пулакӣ дар муассисаҳои таълимӣ то 10 дарсад боло меравад. Дар пайи ин хабар ва сару садоҳо атрофи боло бурдани нархи хизматрасониҳо дар Душанбе “Озодагон” аз сокинон ва меҳмонони пойтахт пурсид, ки боло бурдани нархҳоро чигуна мепазиред?

Бештари пурсидашудаҳо гуфтанд, дар шароити имрӯз, ки зиндагии мардум базӯр мегузарад, ин тасмими мақомот барояшон гарон хоҳад буд. Ба гуфти иддае аз сокинон, дар ҳоле ки маош ва нафақа барои як моҳ басанда нест, ин тасмимҳо зиндагии мардумро вазнин мекунад. Аммо нафароне ҳам тасмими боло бурдани нарх аз сӯи мақомоти соҳавиро ба тағйирёбии бозори асъор, беқурбшавии пули миллӣ ва баланд бардоштани моҳона рабт дода изҳор доштанд, “ин амри табиӣ буда, ягон ҷойи даҳшат надорад”.

НАЗАРИ ДИГАРИ СОКИНОНРО ДАР ИН ВИДЕО БУБИНЕД ВА АНДЕШАИ ХУДРО ЗЕРИ ОН БИНАВИСЕД.

Мӯҳр

Хабарҳои монанд:

сокини душанбешахр

баланд кардани нархи рохкиро ва обпули ин бар зарариихалки оддии захматкаш аст. ?0-80 фоизи сокинони пойтахт зиндагиро сар бонуг мегузаронанд. Албатта барои бобачахо таъсир нахохад дошт.Боварии комил дорем: ки шахрдори тарафи халки одиро мегирад ва нарххо бетагир мемонанд. Далелхои овардаи душанбехидматнаклет ва оьу корез асоси вокеи надоштпа, манфиати як гурухи кучакро ифода карда, ба манфиатхои идоравии онхо асос ефтааст. Аммо аксарияти мардуми шахр имконияти чунин пулсупориро пайдо нахоханд кард ва дар фикри тарки чумхури хоханд афтид.Чанбахои сиесии масъаларо ба назар гирифтан лозим аст. Идори зидимонополи бошад,кайхо идораи аз мардум дур мубадал гаштааст

Ҷавоб диҳед Иқтибос Шикоят

Абдуллох

Аслан ин Хукумат дар фикри мардум нест! Факат дар фикри он хаст, ки чихел аз мардуми бечора пул зиедтар гирад

Ҷавоб диҳед Иқтибос Шикоят

Шахбоз

Ин хадамотро бархам додан даркор. Хадамоте ки на фикри давлату на фикри халкоро мекунад чи даркор? Ин хадамот тамоми мардумро зидди ХУКУМАТ карданист. Халк ки сум надорад аз нархи баланди об, рохкиро, кувваи барк нолидесан ин хадамот бошад хама нархро боло мекунад.

Ҷавоб диҳед Иқтибос Шикоят

Муродали

боло бардоштани нархх,о дар ин шабу руз ба фоидаи халк, нест, бинобар ин бигзор хадамоти зидди инхисори имсол хам хамин нархоро баланд накунад. тагийр надихед нархоро!

Ҷавоб диҳед Иқтибос Шикоят

Ватандор

Хукумати шахр имруз бояд корро дуруст ба рох монад.Хуб мешуд,ки дар хар як махаллахо ва кучахои шахри Душанбе нозирони минтакави корро чоннок кунанд.Хар он нафаре,ки дар кайди шахр нест,аз шахр бароварда ба манзили зисти асосиашон фиристода шаванд.Бе кайди шахрванди икомат доштани мардум,ки аз хар манотики кишвар чамъ омадаанд, хуб нест. Дар маромномаи сокини пойтахт низ ин нукта зикр гардидааст. Имруз шахр обод шуда истодааст,аммо маданияти шахрвандон дар зинаи паст карор дорад. Шахр калон нест,аз ин хотир тозаву обод нигах доштани он вазифаи хукуматдорон ва шахрвандон аст. Як хохиши дигар шахри Душанбе чор дарвоза дорад, хуб мешуд, ки мошинхои боркашу мусофирон дар даромадгохи шахр нигахдори шаванд.Мардуме,ки озими шахр мешаванд аз наклиети дохилии шахри истифода баранд. Аз барои савоб мардуми шахр аз бемаданиятию бефаросатии мардуме, ки аз чор тарафи чумхури меоянд ба дод омадаанд. Мефахмам, онхо низ харид мекунанд, зиндаги доранд, аммо.... Илтимос хукумати шахри Душанбе дар ин масъала ва ба рох мондани этикети шахрванди камари химмат бандед.Шахр бояд шахр бошад, на кишлок... Нозирони минтакави аз паи тинчиву ороми ва бехбудии Душанбе бошед. Хар он нафаре,ки бе кайди шахрванди дар дар шахр карор дошта бошад, аз шахр бароред. Хукуки шахрвандони асили Душанберо илтимос зери по накунед. Аз руи ин беэътиноии аксари шумо дузди, фохишаги ва дигар корхои номатлуб дар шахр зиед шуда истодааст.

Ҷавоб диҳед Иқтибос Шикоят

мардум

бахудо ки ман нафахмидам ин Хукумата нафахмидам, холо маоша баланд накарда, ки нархоя баланд мекунанд. баъд зиндагии мардуми бечора аз кучо нагз шаваддд?

Ҷавоб диҳед Иқтибос Шикоят

Эзоҳ илова кунед