31 июл 2015 14:50Оcиёи Марказӣ / Тоҷикистон

Пешниҳод барои тағйири номи “Тоҷиксуғурта” ва 646 ҳазор кӯмакпулӣ ба селзадаҳо

Раҳбарияти корхонаи воҳиди давлатии “Тоҷиксуғурта” пешниҳод кардааст, ки номи ин корхона тағйир дода шавад.

Аловиддин Сатторӣ, раиси “Тоҷиксуғурта” имрӯз, 31-уми июл зимни нишасти матбуотӣ дар Душанбе гуфт, ба ҳукумати Тоҷикистон пешниҳод кардаанд, ки номи корхонаи зертобеяш ба “Бимаи миллии Тоҷикистон” иваз карда шавад.

Раиси “Тоҷиксуғурта” кишварҳои ҳамзабони мо-Эрону Афғонистонро мисол овард, ки ба ҷои суғурта калимаи бимаро истифода мекунанд ва корхонаҳои марбутаашон низ “Бимаи миллӣ” ном доранд.

Дар мавриди дастури Эмомалӣ Раҳмон, раисиҷумҳури Тоҷикистон барои кӯмак ба осебдидаҳо аз сел раиси “Тоҷиксуғурта” изҳор дошт, ки дар рӯзҳои аввал 490 ҳазор сомониро ҷамъоварӣ карда, ба селзадаҳои Бадахшон равон кардаанд: “Дар умум барои осебдидаҳо дар ҳамаи минтақаҳо 646 ҳазор сомонӣ кӯмак кардем. Ба оилаҳое, ки пурра зарар диданд, 4 ҳазор сомонӣ ва онҳое, ки қисман зарар диданд, ду ҳазор сомонӣ расондем”.

Раиси “Тоҷиксуғурта” таъкид намуд, ки кӯмакпулӣ сарфи назар аз он, ки зарардидаҳо бо ин корхона шартнома доштанд ё на, ироа гардид.

Мӯҳр

Хабарҳои монанд:

Точики нав

Магар сугурта калимаи туркист? Аз бима иваз намудани он ягон бехбуди мешавад, магар? Поятонро ба афгониву эронихо дароз накунед - ако. Боз садхо хахор сомонро обу лой мекунед, ки хуччатхоятонро иваз кунед

Ҷавоб диҳед Иқтибос Шикоят

Барзу

Ба хама офатзадагон новобаста ба шартномаи сугурта доштанашон баробар маблаг чуброн карданатон мутлако нодуруст мебошад. Агар аз нигохи маънави ин кор кобили кабул ва савоб бошад хам, аз нигохи хукуки ривоят надорад. Холо хам дер нашудааст, ба Хукумат бо пешниход бароед, ки сгуртаи хатмии манзили истикомати ва хаёт дар тамоми манотики кухистони Точикистон чори карда шавад. Ин номи шумо "бима" мешавад ё дигар барои мардум ягон ахамияти мохияти надорад.

Ҷавоб диҳед Иқтибос Шикоят

Мехмон

Мухтарам Раис наход дар забони бои точики шумо номи корхонатона наебе бо рубардор аз ирону афгонистон шарм намедоре

Ҷавоб диҳед Иқтибос Шикоят

Зафар

Пешниҳоди хуб. Боз ҳам хуб мешуд агар бо ҳамзабонони берунӣ дигар калимаҳо ҳам яксон мешуданд, масалан мо Хитой мегуем, аммо эрониҳову Тоҷикони афғонистон Чин мегуянд...

Ҷавоб диҳед Иқтибос Шикоят

Дастон

Хайрият. Забони мо Форсй мебошад, туркй не. Чипта- и туркй хам нест кунед, Билет мегуфтему мегуем.

Ҷавоб диҳед Иқтибос Шикоят

Носир

Мӯҳтарам Раис, дурӯст қайд кардед... Нигаред ба Луғати тоҷикиву руссӣ.... Суғур ба забони Русси-Сурок ин номи ҳайвон аст. Страх-тарс, ҳарос, ваҳму хавф бинед Русҳо аз ваҳму тарсу хавф худро Бима мекунад на аз Суғур, ки ин номи ҳайвон аст..
Бим- страх, испуг; боязнь; опасение; ~ бояться, опасаться.
Нигаред ба луғати забони тоҷикӣ..

Ҷавоб диҳед Иқтибос Шикоят

Сарзада

Мухтарам раис!Мо сад дар сад розием ва агар хохед,овоз хам медихем!Факат як илтимос дорем,ки хамаи он харочотхое,барои азнавкунии хуччаххою мухри корхона сарф мешавад,аз чайби шумо пардохт карда шавад,на аз хисоби давлати бе ин хам аз чихати иктисодй поинрафта ва мардуми кашшоки точик!

Ҷавоб диҳед Иқтибос Шикоят

Эзоҳ илова кунед