31 июл 2015 12:12Тоҷикистон / Иқтисодӣ

Давлатзода: Хатоиҳо дар Бонки Миллӣ ҳам боиси ҷаҳиши қурби $ шуданд

Дилмурод Давлатзода, раиси Палатаи ҳисоб мегӯяд, қоидавайронкуниҳои кормандони Бонки Миллӣ ва ташкилотҳои қарзӣ дар баробари омилҳои берунӣ боиси афзоиши қурби доллар ва поин рафтани арзиши пули миллӣ- сомонӣ шудаанд.

Давлатзода, имрӯз, 31-уми июл зимни нишасти матбуотӣ дар Душанбе гуфт, амалиёти харидуфурӯши долларро дар Бонки Миллӣ санҷида, муайян кардаанд, ки 37 ташкилоти қарзӣ долларро аз ин ниҳод арзон харида, баъдан то 14 фоиз қиматтар мефурӯхтаанд. Раиси Палатаи ҳисоб гуфт, дар робита ба қонуншиканиҳо зимни харидуфурӯши доллар нисбати 6 корманди Бонки Миллӣ санад тартиб дода, барои чораандешӣ ба Прокуратураи генералӣ равон кардаанд.

Масъулини Палатаи ҳисоб оғози парванда алайҳи Ҷамшед Юсуфиён, собиқ муовини раиси Бонки Миллиро рад карданд.

Дар маҷмуъ раиси Палатаи ҳисоб афзуд, ки фаъолияти 5 солаи Бонки Миллиро санҷида, дар ҳаҷми 13 миллион сомонӣ зарар ошкор кардаанд, ки аз ин 8-9 миллион сомонияш ба корҳои сохтмонӣ рост меояд: “Қисме аз ин маблағҳо барқарор шуда, чораандешӣ барои барқарор намудани маблағи боқимонда идома дорад”.

Ба суоли “Озодагон”, ки оё масъуле барои ин зараррасониҳо муҷозот шудааст, Давлатзода изҳор дошт, ки бояд масъулине, ки ин соҳаҳоро назорат мекардаанд, ба ҷавобгарӣ кашида шаванд.

Мӯҳр

Хабарҳои монанд:

ш Душанбе

Дилмурод Давлатзода, раиси Палатаи ҳисоб ...Бисёр марди кордон ва хоксор мебошад ....Ба Хукумати мо чунин гадрхои босавод ва хоксор чун боду хаво зарур мебошад ...Рахмат ба бадару модари чунин марди хоксорро тарбия кардагиаш.....дар хакикатан марди замини мебошад...

Ҷавоб диҳед Иқтибос Шикоят

Анвар

Салом алейкум Озодагон. Миннатдории бепоёни сохибкорони Точикистонро ба Чаноби Давлатзода расонед. Аз ин беасос яку якбора болоравии курби доллар садхо сохибкорон муфлис шуда истодаанд. Дар хакикат Бонки Милли дар ин холат корхои "назаррас", ё ин ки хирсона мекунад. Чи хеле, ки русхо мегуянд ЗАЖРАЛИСЬ (аз хад бехад шикамсеранд, аз хисоби азоби мардум). Бояд тамоми филиалхои Бонки Миллиро якбор тоза кардан даркор аз кадрхои кухна. Хусусан рохбарони онро дар вилоятхо. Боз якбори дигар ахсан ба Давлатзода.

Ҷавоб диҳед Иқтибос Шикоят

Эзоҳ илова кунед