29 июл 2015 08:41Тоҷикистон / Дин ва зиндагӣ / Тема дня

Суғд: Чор нафар барои “хидматҳояшон дар назди давлат” ройгон Хонаи Худо мераванд

Шӯъба оид ба корҳои дин, танзими анъана ва ҷашну маросимҳои миллии вилояти Суғд мегӯяд, то имрӯз зиёда аз 30 ҳазор сокини вилоят барои рафтан ба зиёрати Хонаи Худо дар навбат истодаанд.

Аз Шӯъбаи мазкур ба “Озодагон” иттилоъ доданд, бештари дар навбатбудаҳо сокинони шаҳру навоҳии Хуҷанд, Бобоҷон Ғафуров, Истаравшан, Исфара ва Панҷакент мебошанд: “Инчунин, бояд гуфт, ки то имрӯз ҳуҷҷати 1655 нафар сокини вилоят омода шуда, ба Кумита оид ба корҳои дин, танзими анъана ва ҷашну маросимҳои миллии Тоҷикистон фиристода шудааст ва ин теъдод 912 нафарро мардон ва 743 танро занон ташкил дода, 4 нафар бо квотаи президентӣ ройгон ба зиёрати Хонаи Худо мераванд”.

Ба иттилои манбаъ, “ин 4 нафарро раисони шаҳру навоҳии Хуҷанд, Чкалов, Истиқлол ва Спитамен хидматҳояшонро дар назди давлат ба назар гирифта, пешниҳод кардаанд”.

Шӯъба оид ба корҳои дин, танзими анъана ва ҷашну маросимҳои миллии вилояти Суғд маблағи сафари ҳаҷи имсолро 1584 доллар гуфт: “Сафарбаркунӣ охирҳои моҳи август шурӯъ гашта, то 10 сентябри соли равон идома мекунад ва дар назар аст, 9 парвоз анҷом шавад”.

Ҳаҷ аз ҷумлаи аркони панҷгонаи дини мубини Ислом аст, ки барои ҳар мусалмони ба балоғатрасида ва тавоно фарз мебошад. Ҳамасола аз Тоҷикистон ҳудуди 6 ҳазор барои зиёрати Хонаи Худо ба Макка мераванд. Пардохти маблағи ҳаҷҷи соли гузашта 18 ҳазору 164 сомониву 92 дирамро ташкил медод ва ба қавли мақомот, дар ин хизматрасониҳо пули чиптаи ҳавопаймо (рафту бозгашт), иҷораи меҳмонхона дар шаҳрҳои Маккаву Мадина, 3 маротиба ғизо дар як рўз, хидмати роҳбаладон, кўмаки аввалияи тиббӣ, эмгузаронӣ зидди касалиҳои сирояткунанда, ҷузвдон, либос ва ғайраҳо дохил мешаванд.

Мӯҳр

Хабарҳои монанд:

хочидавлат

Охиста охиста хочиро давлат муайан мекунад. Браво

Ҷавоб диҳед Иқтибос Шикоят

Ватандор

Кучо мераванд, кучаи худро, дехаи худро, шахри худро ... Ватани худро обод намоянд. Бо нуги сузан маблаг чамъ карда, ба мулки араб мебаранду, купруки пушти хонаашон, рохи назди хавлиашон, рохи кабристон... вайрон, инхоро обод кунед, савобаш баландтар.

Ҷавоб диҳед Иқтибос Шикоят

Осмон

Ман Кафолат медихам, ки Квотахое, вокеан аз номи Рохбари Давлати гамгори мо ба собикадорон ва фаьолоне, ки дар рушду нумуи кишаври мо сахми арзандае гузоштанд, аз чониби Сардори шуьбаи Дин ва танзими Дастгохи ичроияи Президенти Чумхурии Точикистон галбер е бо суистифода (бе зиерати сардори ин шкьба) аз руйхат на мегузаранд! мухтарам масьулин?

Ҷавоб диҳед Иқтибос Шикоят

Эзоҳ илова кунед