23 июл 2015 10:21Тоҷикистон / Дин ва зиндагӣ / Иқтисодӣ / Тема дня

САДО: Наздики 110 масҷиди Суғд ба мавзеъҳои истироҳативу таърихӣ табдил ёфтаанд

Шӯъба оид ба корҳои дин, танзими анъана ва ҷашну маросимҳои миллии вилояти Суғд мегӯяд, то имрӯз фаъолияти 108 масҷиди панҷвақта қатъ гардида, он ба мавзеъҳои истироҳативу таърихӣ табдил дода шудааст.

Обидҷон Шарофов, мудири ин ниҳод зимни нишасти хабарие дар шаҳри Хуҷанд гуфт, дар қаламрави вилоят 1195 масҷиди исломӣ фаъолият мекунад, ки 13-тои он масҷиди ҷомеи марказӣ, 91-тоаш масҷиди ҷомеъ ва 955-то масҷиди панҷвақтаанд: “Вале мутаассифона, 136 масҷиди панҷвақтае, ки аз соли 2009 инҷониб бидуни аз қайд нагузашта, фаъолият мебурданд, феълан фаъолияти онҳо муваққатан боз дошта шудааст”.

Ҷаноби Шарофов афзуд, аз шумора ҳуҷҷатҳои 28 масҷид ба талаботи моддаи 13-и Қонуни ҶТ “Дар бораи озодии виҷдон ва иттиҳодияҳои динӣ” мутобиқ мебошанд ва имкони дубора ба қайд гирифтани онҳо вуҷуд дорад: “Ҳоло мо маводи заруриро омода кардем ва ба наздикӣ барои аз нав ба қайд гирифтан пешниҳод мекунем”.

Аммо мудири Шӯъба оид ба корҳои дин, танзими анъана ва ҷашну маросимҳои миллии вилояти Суғд гуфт, 108 масҷиди дигар ғайриқонунӣ амал мекарданд ва дар асоси қарори шаҳру ноҳияҳо фаъолияташон қатъ гардид: “Ин теъдод масоҷид ҳоло ба иншооти ёдгориву таърихӣ, кумитаи маҳаллаҳо, чойхонаҳо, марказҳои фарҳангиву фароғатӣ, бунгоҳҳои тиббӣ ва боғчаи бачагона табдил дода шудааст”.

Мӯҳр

Хабарҳои монанд:

Асадулло

Боз мегем, ки офатхои таббии зиёд шуданд, агар хамин хел рафтан гирад бачои Хонаи Худо чойхонаҳо, марказҳои фарҳангиву фароғатӣ, соз шавад албата боз офатхои табии зиёд мешавад. Ин корро бас КУНЕД ИЛТИМОС ВА ХОХИШ!

Ҷавоб диҳед Иқтибос Шикоят

Точик

Асадулло,
дааа... бо ин тафаккури торики асримиенаги мо ба кучо равонем???!!! Причем тут офатхои табии??? О хукумат пеши рохи чахолатро нагирад мо пагох фардо ба Афгонистону Покистон, Сурияву Ироку Либие табдил меебем. Хамаша ба богчахои бачагона табдил дихед!! Богча намерасад!

Ҷавоб диҳед Иқтибос Шикоят

Асадулло

Бо боварии комил гуфта метонам, ки агар ХУКУМАТ ХАНГОМИ ТАХИЯИ БУЧЕТ ХАКАЛАН 1 МИЛЛИОН СОМОНИ ЧУДО КУНАД, БАРОИ СОХТУМОНИ МАСЧИД (ХОНАИ ХУДО) ОФАТХОИ ТАББИИЕ, КИ 600 МИЛЛИОН СОМОНИ ЗИЁН МЕОРАД ПЕШГИРИ МЕШАВАД ИНШОЛЛОХ.

Ҷавоб диҳед Иқтибос Шикоят

Эзоҳ илова кунед