22 июл 2015 13:21Тоҷикистон / Дин ва зиндагӣ / Тема дня

Муҳиддинов ҷалби тоҷикон аз масоҷиди Русия ба ДИИШ-ро рад кард

Дамир Ҳазрат Муҳиддинов, муовини якуми раиси Раёсати уламои мусалмонҳои Русия иддаоро, ки гӯиё дар масоҷиди ин кишвар муҳоҷирони тоҷикро ба созмонҳои ифротӣ аз ҷумла ДИИШ ҷалб мекунанд, беасос хонд.

Муҳиддинов имрӯз, 22-юми июл дар ҳошияи Конфронси байналмилалии “Ислом зидди ифротгароии динӣ ва терроризм” дар Душанбе изҳор дошт, таблиғи ифротгароӣ дар масоҷиди Русия имкон надорад. Ба гуфаи ӯ дар Русия 8 ҳазор масҷид вуҷуд доранд, ки имомхатибони ҳамаашон суннӣ мебошанд: “Ба таблиғи ифротгароӣ дар масҷид роҳ намедиҳем. Шояд чунин зуҳурот дар кӯчаҳо миёни намозгузорон ҷой дошта бошад, аммо дар масоҷид нест”.

Ноиби раиси Раёсати мусалмонҳои Русия инчунин таъкид намуд, ки барои намозгузории муҳоҷирон, аз ҷумла тоҷикон дар масоҷиди Русия маҳдудияте нест ва тамоми имкониятҳо барои намогузории озод фароҳам шудаанд.

Ин дар ҳолест, ки мақомоти Тоҷикистон мегӯянд, феълан дар саффи созмони террористии “Давлати Исломӣ” ҳудуди 500 шаҳрванди Тоҷикистон ҷанг мекунанд, ки бисёрашон аз Русия ба ин ҳаракат пайвастаанд.

Мӯҳр

Хабарҳои монанд:

Файз

Домуллохои вохимаи мо Турачонхо, Хочи Мирзо баринхо хам ягон чи партоянд бисёр кори савоб мешаванд. Факат гап не!

Ҷавоб диҳед Иқтибос Шикоят

Офарин

гап дар масчидхои Русия не, гап дар худи чавонони точик аст, ки онхо ба масъалахои динии аз чониби рухониён бо интернету дигар чизхо пахнмешуда таваччух мекунанд ва окибат дингаро шуда ба Сурияву Ирок мераванд. Агар заррае миллат ва хонаводаи худро фикр кунанд ба ягон чой намераванд.

аз масчидхои Русия нараванд боз аз кучо мераванд масчид чойи кулай барои чалбкуни аст.

Ҷавоб диҳед Иқтибос Шикоят

Эзоҳ илова кунед