22 июл 2015 10:29Тоҷикистон / Сиёсат

Кӯмак аз кисаи Президент ва супориш: 6 ноябр хонаҳои нав омода шаванд

Эмомалӣ Раҳмон, раисиҷумҳури Тоҷикистон, имрӯз, 22-юми июл бо баргузории ҷаласаи ҳукумат барои рафъи оқибати офатҳои табиӣ дар кишвар дастур додааст, ки зарардидагон то моҳи ноябри соли равон соҳиби хонаи нав шаванд.

Тибқи иттилои дафтари матбуоти раисиҷумҳур, Эмомалӣ Раҳмон бо зикри он, ки дар Шуғнон 72 хона ва дар ноҳияи Рашт 50 хона пурра ва 15 хонаи дигар қисман вайрон шудаанд, таъкид намудааст, ки хонаҳои харобшуда бояд то 6 ноябри соли 2015 пурра барқарор карда шаванд: “Хонаҳои навсохт бояд бо тамоми ашёи рӯзгор муҷаҳҳаз ва аҳли ин оилаҳо бо сару либос таъмин гарданд”.

Бо дастури президент тамоми масолеҳи сохтмонӣ ба зарардидагони офатҳои табиӣ аз ҳисоби давлат ройгон таъмин мешавад.

Эмомалӣ Раҳмон инчунин супориш додааст, ки аз ҳисоби президент ба оилаҳое, ки хонаҳояшон пурра хароб шудаанд, 10 ҳазор сомонӣ ва ба оилаҳое, ки хонаҳояшон қисман вайрон шудаанд, 6 ҳазор сомонӣ кӯмакпулии яквақта дода шавад.

Дар ҷаласаи имрӯза зарари офатҳои табиӣ 600 миллион сомонӣ арзёбӣ шуда, таъкид гардидааст, ки он дар пайи гармии бесобиқа дар 71 соли охир рух додааст: “Чунин гарм шудани ҳарорати ҳаво ва боло рафтани оби дарёҳо дар Тоҷикистон бори охир соли 1944 ба қайд гирифта шудааст”.

Абдуҷаббор Раҳмонзода, ёрдамчии президент оид ба робита ба ҷомеа низ, имрӯз, 22-юми июл зимни як ҳамоиши байналмилалӣ дар Душанбе бо таъкиди дастури президент, ки бояд кӯмакпулии яквақта расонда шаваду то 6 ноябр, рӯзи Сарқонун хонаҳои нав барои зарардидагон таъмин гарданд, аз ҷомеаи ҷаҳонӣ хостори кӯмак шуд.

Маврид ба зикр аст, ки дар пайи офатҳои табии рӯзи 20-уми июл 6 сокини ноҳияи Ванҷ ва як сокини Рашт ҷон додааст.

Мӯҳр

Хабарҳои монанд:

Сгера

Ку мебинемда то 6 ноябр читари хонахора месозан???

Ҷавоб диҳед Иқтибос Шикоят

Рохгузар

Хазор рахмат

Ҷавоб диҳед Иқтибос Шикоят

мухлис

Мухтарам Чаноби Оли рахмат барои дастгирихе, ки барои мардуми ниёзманд мекунед!!!!!!

Ҷавоб диҳед Иқтибос Шикоят

Ватандор

Чреп ё Шрек! Аввал 5 сомон кумак кун, баъд тамошобин шав. Бе ману ту месозанд, ба кадри гамхорихои Рохбари Давлат расидан лозим!!!

Ҷавоб диҳед Иқтибос Шикоят

Вазорати молия

Бояд дакик навишт, мухтарам рузноманигорон! Аз кисааш не, аз хисоби Фонди Президенти ЧТ маблаг чудо мекунад, ки хамасола аз бучаи давлат ба ин фонд маблаги хубе гузаронида мешавад. Ин пули халк аст. Мутаъассифона, касе хаки назорати маблагхои ин фондро надорад. Инро хамчун хайрия нишон додан хуб нест. Ин пули бучаи давлат аст.

Ҷавоб диҳед Иқтибос Шикоят

Файз

Ба Сгераи тамошобин. Худоро Шукр, ки ту барин тамошобини баддахон дар Точикистон кам аст. Имруз ходисаи шудаги чои тамошо нест. Хонахоро бовари дорам то 6 ноябр не то 6 сентябр месозанд. Чунин корбари дар Точикистон бори аввал нест. Чунин ходисахоро мардуми Точикистон тез сияхиаш тоза карда мепартояд. Худо мардуми Точикистон доимо дастёрии якдигарбошанд.

Ҷавоб диҳед Иқтибос Шикоят

jjj

hama boyad yordam kunem!!!Сгера,

Ҷавоб диҳед Иқтибос Шикоят

Чавон

Ба сгера ва е бо ном вазорати Молия, дар умри саратон як каппа сохтаги нестед, мард бошед е аккалан худро мард вонамуд кунед. Дар ягон давлати чахон нисбати сокини офатзада чунин гамхории Хукумат дида намешавад.

Ҷавоб диҳед Иқтибос Шикоят

Эзоҳ илова кунед