20 июл 2015 12:48Тоҷикистон / Иҷтимоӣ / Рӯ ба рӯ / Тема дня

“Трешина”-и тирезаи ҳавопаймо дар Душанбе боиси лағви парвоз шуд

Азизмат Қурбонов, директори техникии “Тоҷик Эйр” имрӯз, 20-уми июл зимни нишасти матбуотӣ дар Душанбе сабаби лағви парвоз ба Бишкекро, ки 15-уми июл боиси норозигии мусофирон шуд, ба шикастани тиреза ё худ оинаи пеши ҳавопаймо рабт дод.

Қурбонов изҳор дошт, ки баъди бозгашт аз Маскав тирезаи пеши ҳавопаймо шикаст ва ба далели набудани ҳавопаймо парвоз ба Бишкек лағв гардид.
Файзулло Сатторов, директори парвозҳои ширкати “Тоҷик Эйр” дар шарҳи қазия афзуд, ки он шикаст ба андозаи мӯи сар буд ва тибқи меъёрҳои байналмилалӣ тавсия дода шудааст, ки дар чунин ҳолатҳо ҳавопаймо парвоз накунад: “Ин шикасти хеле кӯчак аст ва онро халабонҳою муҳандисон дар роҳи бозгашт аз Маскав вақти дамидани субҳ мушоҳида кардаанд. Ба хотири амният мо иҷозаи парвоз надодем. Феълан таҷҳизот иваз шудаанд ва ҳавопаймо дар хизмат қарор дорад”.

Сатторов зикр кард, ки ширкаташон ҳамагӣ аз ду ҳавопаймо кор мебарад ва афзуд, ки талош мекунанд, ояндаи наздик чанд ҳавопаймои дигарро дастрас кунанд. Директори парвозҳои “Тоҷик Эйр” инчунин илова намуд, ки баъди лағви ахири парвоз ба Бишкек “Тоҷик Эйр” ба мусофирон пешниҳод кард, ки тамоми хароҷотро ба дӯш мегирад ва омода буд, ки сафари мусофиронро тариқи Алмаато ба Бишкек таъмин кунад.

ВИДЕОИ суҳбати Сатторов дар бораи шикасти тиреза

Мӯҳр

Хабарҳои монанд:

"Трещина" бо "Щ" навишта мешавад.

Ҷавоб диҳед Иқтибос Шикоят

Душанбе

Салом ба Точик ай ман як шахрванд 21 июн бояд аз техрон парвоз мекардем соати 2 бо точик айр баъд ба могуфтанд ки хавопаймои точик айр тахир дорад парвоз бояд соати панч анчом шавад мо то соати 5 ним дар фурудгохи байналмилалии техрон мунтазири хааопаймои точик айр мондем бади 3 соат мунтазири хавопаймо омад моро регистратсия карда дохили хавопаймо шудем бояд парвоз мекардем хаво паймо дар холи омодашудан ба пар воз буд ки ногахон як мусофири эрони аз парвоз кардан ба точик айр даст кашид такрибан як соат дар дохили хавопаймо мутазир мондем то бори мусофири дасткашидаро ёбанд ва боз моро бахар бахонаи дигар 2 соатидигар дар дохили хавопаймо доштанд босабаюи но аълум хавогарм буд кудакхо аз хавои гарм ва хавои безеб нафасгир шуданд бад аз этирози мусофирхо тасмим гирифтан то моро дубора ба терминол бар гагдонанд ва ин коррохам карданд билохила мо соати 12 и шаб ба самти дкшанбе парвоз кардем ногуфта намонад чанд мусофири эрони аз параоз бо точик эйр даст каши боки монда ночор 2 боро ба точик эйр ботар парвоз карданд Хушбахтона мо расидем дар Точикистон аммо бад бадхтона хичкас бамо зарари маънави дидаамонро пардохт накард киса дароз аст Бахшиш точик айр то хавопаймояион сукут накунад шумо навашро намехаред

Ҷавоб диҳед Иқтибос Шикоят

Эзоҳ илова кунед