20 июл 2015 11:39Тоҷикистон / Иқтисодӣ

Раиси Кумитаи андоз: Талош мекунем, ки “Вавилон М” фаъолият кунад...(ВИДЕО)

Нусратулло Давлатзода, раиси Кумитаи андози Тоҷикистон мегӯяд, бо роҳбарияти “Вавилон М” созиши шифоҳӣ доранд, ки 341 миллион сомонии буҷаро давра ба давра бо назардошти имкониятҳо пардохт хоҳад кард.

Давлатзода имрӯз, 20-уми июл зимни нишасти матбуотӣ дар Душанбе гуфт, бо назардошти имконияти молии корхона талош мекунанд, ки “Вавилон М” ҳам фаъолият кунаду ҳам қарзашро марҳила ба марҳила пардохт кунад: “Мо дар ин бора бо роҳбарияти ширкат шифоҳӣ созиш ҳам кардем. Аз 341 миллион сомонӣ қарз аллакай дар ду моҳи гузашта 5 миллионро рӯёндем ва кӯшиш мекунем дар моҳҳои баъдӣ боқимондаро ба буҷаи давлат ворид кунем. Мо уҳдадорем, ки тибқи қарори суд барои рӯёндани ин қарз чораандешӣ кунем”.

Ин дар ҳолест, ки Наим Мансурзода, раиси Додгоҳи олии иқтисодии Тоҷикистон, 15-уми июл зимни нишасти матбуотӣ дар Душанбе даъвои Кумитаи андозро алайҳи “Вавилон-М” қонунӣ хонда, афзуд, ки даъвои кассатсионии ширкатро рад кардаанд.

Мансурзода гуфт, “Вавилон М” аз додгоҳ дархост карда буд, ки санади санҷишӣ ва қарор барои рӯёнидани 341 миллион сомонӣ андоз, ҷарима ва фоизҳо аз ин ширкат қисман бекор карда шавад: “Дар марҳилаи қаблӣ дар ҳаҷми 3 миллиону 228 ҳазор сомонӣ даъвои Кумитаи андоз алайҳи “Вавилон М” бекор карда шуд. Дар қисмҳои дигар дар ҳамаи марҳилаҳои судӣ даъвои Кумитаи андоз асоснок карда шудааст”.

Раиси Додгоҳи олии иқтисодӣ илова намуд, ки “мо дар ин баҳс нуқта гузоштем ва ҳоло ин қарор дар ҳоли иҷро қарор дорад”. Ба суол, ки оё додгоҳ имконияти ширкатро барои пардохти чунин маблағ ба назар гирифтааст, Мансурзода изҳор дошт, ки қазияро танҳо аз нигоҳи қонунӣ баррасӣ мекунанд ва ба имконияти молии ширкатҳо баҳо намедиҳанд.

Ин дар ҳолест, ки қаблан ширкати “Вавилон М” дар робита ба 341 миллион сомонии баҳсӣ ба додгоҳҳои Тоҷикистон, аз ҷумла Додгоҳи қонуни асосии кишвар муроҷиат карда, ҷавоби рад гирифт.

Айни видео дар bambuser

Мӯҳр

Хабарҳои монанд:

Салима

Миёни макомоти расмии хукумати ва ширкатхои алохида шартномаи шифохи хам баста мешавад? Хеле ачиб ку. Инро дар конунгузори чи гуна ба расмият медароранд ва чи гана татбик мекунанд?

Ҷавоб диҳед Иқтибос Шикоят

душанбе

Вавилон дар точикистон мебанданд бафикрам чи гунох Карла бошад?

Ҷавоб диҳед Иқтибос Шикоят

Ман ҳайронам, ки ҳамин "Вавилон" солҳо кор мекунаду то ҳол 10 метр аз Душанбе берун мавҷ надорад. NGN-аш бошад, тамоман хуб кор намекунад. Аз куҷо ин қадар қарздор шуда бошад? То ин солҳо ин "Андозковако" куҷо буданд?
Ба фикрам, доля кам шудагӣ ва ба баъзеҳо нарасидагӣ!

Вақташанда гуфтам: "Доляшона тид!"
Гуфтид, ки: "Мо гурги борондида шуда бурафтагӣ"
О, ино 20 сол пеш БОРОН будан. Ҳозир, инО ҶОЛА шуда бурафтагӣ!!!

Ҷавоб диҳед Иқтибос Шикоят

андозбек

Чи хел созиш бошад созишномаи чентелментский. дар асоси талаботхои Н. Давлатзода е супориши боло.

Ҷавоб диҳед Иқтибос Шикоят

Салим

Натичаи бахси Вавилон бо Кумитаи андоз нишон дод, ки дигар сохибкорон наметавонанд ба Конун эътимод ва такя кунанд. Дар сурати ёфтани камбуди ва хатто гайриконуни чаримандишуданашон низ онхо набояд ба суд мурочиат кунанд. Онхобояд фвран бо худи намояндагони кумитаи андоз ва ё рохбарияти он гапзанон карда мушкилоташонро хал кунанд. Шахсан ман аз натичаи ин бахс ба хулосае омадам, ки каври конун кайхо канда шудааст ва судхои мо конунро кайхо дафн кардагиянд

Ҷавоб диҳед Иқтибос Шикоят

Эзоҳ илова кунед