16 июл 2015 16:57Тоҷикистон / Сиёсат

Сафири ИМА: Мехоҳам Кабирӣ баргардаду ҲНИТ озодона фаъолият кунад

Сюзан Эллиотт, сафири ИМА дар Тоҷикистон мегӯяд, ҳукумат бояд ба ҲНИТ имконияти фаъолияти озодро диҳад ва таъкид намуд, ки яке аз роҳҳои таъмини сулҳу субот дар Тоҷикистон таъмини шароит барои фаъолиятҳои озоди диниву сиёсӣ мебошад.

Эллиотт ин нуктаро имрӯз, 16-уми июл зимни мулоқот бо хабарнигорон дар посух ба суол дар бораи муроҷиати ҲНИТ ба созмонҳои ҷаҳонӣ изҳор дошт.

Сафири ИМА дар мавриди раиси ҲНИТ, ки дар хориҷ аз Тоҷикистон қарор дорад, афзуд, “ман дар мавриди сарнавишти раиси ҲНИТ чизе гуфтан наметавонам, ки ӯ берун аз Тоҷикистон чӣ нақшаҳое дорад, вале ман ин шахсро бисёр хуб мешиносам ва орзу дорам, ки зудтар ба Тоҷикистон баргардад”.

Сюзан Эллиотт ҳамчунин гуфт, ки “албатта наметавонам ба овозаҳо такя кунам, вале метавонам гуфт, ки ҳукумати ИМА аз ҳамаи ҳизбҳо ва фаъолияти онҳо дастгирӣ мекунад. Ин маънои онро дорад, ки бояд ба ҳар як ҳизб имконият дода шавад, то ҳар шахс битавонад дар фаъолиятҳои аҳзоб ширкат кунад. Ин аз масоиле аст, ки мо доим бо ҳамкоронамон аз Ҳукумати Тоҷикистон онро баррасӣ мекунем. Мо доим таъкид мекунем, ки яке аз роҳҳои беҳтарини таъмини сулҳу субот дар Тоҷикистон додани имконияти фаъолиятҳои озоди динӣ ва сиёсӣ аст”.

Ба назари Сюзан Эллиотт “барои ҲНИТ бояд имконият дода шавад, ки дар оянда фаъолияти худро озодона идома диҳад. Танҳо ин метавонад, ки ба Тоҷикистон сулҳу субот биоварад. Чунин муносибат, на танҳо дар баробари ҲНИТ, балки дар баробари ҳамаи ҳизбҳои Тоҷикистон бояд роҳандозӣ шавад”.

Мӯҳр

Хабарҳои монанд:

Точик

Сафир чаро ба корхои дохилии мо дахолат мекунад? Акнун тасаввур кунед, ки сафири мо ба хукумати Амрико маслихату пешниход кунад оид ба масъалахои дохилии ин кишвари террорист. Ироку Сирияву Либияву Афгонистонро ба чи хол овардед бо дахолататон? Миллионхо нафар куштаву даххо миллион гуреза шуданд. Ин аст натичаи кори шумо.

Ҷавоб диҳед Иқтибос Шикоят

Ардашер аз Душанбе

хонум Эллиот шумо бисёр чизхо мехохед.....лекин барои чи дигар хизбхо дар амрикои "Демократи" нестанд факат 2 хизб шумо ороми точикистонро хохед ба кори худатон расидаги кунед бехтар аст

Ҷавоб диҳед Иқтибос Шикоят

Мухаммад

Дар матбуот барои фиреби мардум хамин тавр мегуянд, аммо дар танхои "хубашон кардед, тезтар бибандед, аз танкидхои мо норохат нашавед" мегуянд. Хукумати Точикистон бе ичозати Америка, Русия ва Хитой ягон кор намекунад.

Ҷавоб диҳед Иқтибос Шикоят

Гуломон

Бар озодагон.......................чи коментарихоро чоп намекунед? шумо хам чи аз амрико маблаггузори м ешавед....эй вой бар холатон...ах.....

Ҷавоб диҳед Иқтибос Шикоят

firdavsjon

ХОНУМА СЮЗАН ЭЛИОТ ман суханхои Шуморо тарафдори мекунам. Бояд дар хар як кишвари демократи хизбу харакатхо озодона фаъолият кунанд. Хизби коммунисти бояд дар Амрико озодона фаъолият мекард аммо афсус ки дар ватани демократия озоди неcт афсус. Хизби Коммунистии Амрико ту кучо шудиии вой дод ээээ кани демократия.

Ҷавоб диҳед Иқтибос Шикоят

Руслам

салом сад афсус ки Америко давлати мусульмони нест аммо ба ин нигох накарда ба хукуматеки
ахолиаш 99% мусульмон аст мегуяд Дар точикистон бояд. ХНИ амал кунад

Ҷавоб диҳед Иқтибос Шикоят

Эзоҳ илова кунед