16 июл 2015 15:13Тоҷикистон / Ҷавонон ва варзиш

Истеъфои Муҳсин Муҳаммадиев аз мақоми сармураббии мунтахаби футболи Тоҷикистон

Муҳсин Муҳаммадиев, сармураббии тими миллии футболи Тоҷикистон аз мақомаш истеъфо додааст. Дар ин бора аз Федератсияи футболи Тоҷикистон иттилоъ доданд.

Ба иттилои манбаъ, ҷаноби Муҳаммадиев дар шарҳи ин тасмими худ гуфта, он ба нокомии мунтахаби кишвар дар даври интихобии Ҷоми ҷаҳонии футбол рабт дорад: “Баъди оғози номуваффақи тими миллӣ дар даври интихобии Ҷоми ҷаҳон-2018, ки дар ду бозӣ ҳамагӣ як имтиёз гирифтем, тасмим гирифтам истеъфо бидиҳам. Хеле мутаасифам, ки талоши якҷояи мо натиҷаи мусбӣ наоварду натиҷа чунин шуд. Барои ин натиҷа тамоми масъулиятро ман бар душ мегирам”.

Ӯ дар идома аз раҳбарияти Федератсияи футболи кишвар, аз ҷумла президенти он Рустами Эмомалӣ ва ноиби аввали ӯ -- Хуршед Мирзоев барои кӯмак ва дастгириҳо изҳори сипос кардааст. Муҳсин Муҳаммадиев ба футболбозони тими миллӣ ва мухлисони футбол ҳам ташаккур гуфтааст.

Муҳсин Муҳаммадиев ду соли пеш дар курсии сармураббии футболи кишвар нишаста буд.

Мӯҳр

Хабарҳои монанд:

мухсин

Бо айби шумо интавар нашуд.
Аслан айби бозингарон аст, чунки барои обруи Ватан чидди нестанд.

Ҷавоб диҳед Иқтибос Шикоят

мухлис

Ана ин чавонмардона,кош мансабдорон ибрат мегирифтанд!

Ҷавоб диҳед Иқтибос Шикоят

Ориф

Хайр, бо хамин фарбегию сурат магар метавон муррабии варзиш (масалан, футбол) шуд? Харгиз не.

Ҷавоб диҳед Иқтибос Шикоят

мухлис

офарин Устод Мухсин! !! кош ин кори ту дарс шавад барои дигархо...

Ҷавоб диҳед Иқтибос Шикоят

Човидон

Дилшод восиевро низ аз ин даста баровардан даркор хар вактеки туб дар пои Дилшод бирасад хатман туп вайрон мешавад ин футболбоз сазовори капитани даста нест боз ин футболбози киматарини Точикистон будаст

Ҷавоб диҳед Иқтибос Шикоят

Эзоҳ илова кунед