14 июл 2015 16:36Тоҷикистон / Рӯ ба рӯ

Талаби 6 солу 6 моҳи зиндон барои узви Раёсати олии Ҳизби наҳзати исломии Тоҷикистон

Айбдоркунандаи давлатӣ барои Ҷамолиддин Маҳмудов, узви Раёсати олии Ҳизби наҳзати исломии Тоҷикистон, ки дар нигоҳ доштани ғайриқонунии силоҳ муттаҳам мешавад, аз додраси парванда 6 солу 6 моҳи зиндон талаб кардааст.

Зарафо Раҳмонӣ, яке аз вакилони оқои Маҳмудов дар суҳбат бо “Озодагон” гуфт, Раҷабалӣ Шернаев, айбдоркунандаи давлатӣ дар мурофиаи додгоҳии 13 июл дар шаҳри Ҳисор Ҷамолиддин Маҳмудовро бар асоси талаботи қисми 2-и моддаи 195-и Кодекси ҷиноии Тоҷикистон -- нигоҳ доштани ғайриқонунии силоҳ ва бо маслиҳати пешакӣ пинҳон кардани он, айбдор кардааст.

Хонум Раҳмонӣ афзуд, қарор аст, рӯзи 15 ё 16 июли соли равон мурофиаи навбатӣ баргузор шуда, дар он Маҳмудов барои гуфтани ҳарфи ниҳоии худ ба додгоҳ ҳозир шавад.

Ҷамолиддин Маҳмудов рӯзи 10 феврали соли равон аз сӯи Кумитаи давлатии амнияти миллӣ боздошт гардид. Ин ниҳод бо нашри изҳороте боздошти ин узви аршади ҲНИТ дар арафаи интихоботи парлумонии кишварро шарҳ дода, гуфт, дар манзили истиқоматии Латиф Сардорови 60-сола, истиқоматкунандаи деҳаи Чуқураки Болои ҷамоати Навободи ноҳияи Ҳисор ду таппончаи тамғаи Макаров, чор тирдон, 51 дона тир ва 1 запали таркандаи норинҷаки дастӣ ёфт ва мусодира кардаанд, ки ба гуфтаи Сардоров ба Ҷамолиддин тааллуқ доштааст.

Шӯрои сиёсии ҲНИТ бо нашри изҳороте боздошт ва кушода шудани парвандаи ҷиноӣ алайҳи Ҷамолиддин Маҳмудовро маҳкум намуда, ин корро як амали сирф сиёсӣ ва марбут ба раванди интихобот донист ва аз Эмомалӣ Раҳмон хост, “бо дарназардошти нақши шахсии оқои Маҳмудов дар назорат бар оташбас ва расидан ба сулҳ баъд аз ҷанги шаҳрвандӣ дар Тоҷикистон қазияи мазкурро зери назорат бигирад".

13 феврали соли равон Додгоҳи ноҳияи Исмоили Сомонии шаҳри Душанбе қарори то ду моҳ дар боздоштгоҳ мондани ӯро содир карда, баъдан ин муҳлатро тамдид кард.

Ҷамолиддин Маҳмудов дар баробари узви Раёсати олии ҲНИТ будан, бо пешниҳоди Эмомалӣ Раҳмон, раисҷумҳури Тоҷикистон намояндаи ин ҳизб дар Комиссияи марказии интихобот ва раъйпурсии кишвар буд.

Мӯҳр

Хабарҳои монанд:

Аз Ватан

Ачоиб! "ХНИТ боздошт ва кушода шудани парвандаи ҷиноӣ алайҳи Ҷамолиддин Маҳмудовро маҳкум намуда, ин корро як амали сирф сиёсӣ ва марбут ба раванди интихобот донист". Дар кадом конун омадааст ки шахси дар оташбаси Точикистон накш дошт хукуки гайриконуни нигох доштани силохро дорад. чиноят содир кардааст чавобашро медихад.

Ҷавоб диҳед Иқтибос Шикоят

Мирзо

Ин аъзоёни ХНИТ худро мусичаи бегунох метарошанду, боз гуноххои ошкоршудаашонро ба гардан намегиранд.

Ҷавоб диҳед Иқтибос Шикоят

Мирзо

Баъди чанги шахрванди хама ярокхояшонро супориданду, ХНИТ бошад ба конуни давлат итоат накард окибат хамин.

Ҷавоб диҳед Иқтибос Шикоят

umed

ШУКРОНА КУНЕД- АЛБАТТА 5 СОЛ МЕГИРАД. ДАР ИНТИХОБОТИ ПАРЛУМОНИИ СОЛИ 2020 ИШТИРОК МЕКУНАД

Ҷавоб диҳед Иқтибос Шикоят

Muhojir

АДОЛАТ БА ТАВРИ ФАХШОМЕЗ ЗЕРИ ПО МЕШАВАД . ИНЧОСТ КИ ГАЙР АЗ УМЕД БА ДАРГОХИ ХАК ЧОРАЕ НАМЕМОНАД .

Ҷавоб диҳед Иқтибос Шикоят

рондор

Тапончаи Расулчик кучо шуд милисара тирборон кард дар тунели истиклол.

Ҷавоб диҳед Иқтибос Шикоят

Муъмин

Худо худ доност! Дар точ,ико як гапай, чох, кан зери чох, ........

Ҷавоб диҳед Иқтибос Шикоят

Freedom

рондор,
Дуруст гуфтед! Баъзехо хукук доранд ки бо тапонча милисаро тир кушоянд, аммо парванда боз намешавад.
Ин баъзе бесаводхо факат ХНИТ-ро тахкир карданро медонанду халос.

Ҷавоб диҳед Иқтибос Шикоят

Исмат

Чи даркор буд ҳамин таппончаҳоро нигоҳ доштан? Барои чи вақташ насупорид? Акнун аз ӯ қаҳрамон месозед.

Ҷавоб диҳед Иқтибос Шикоят

jakart

Бо вучуди сатхи сиеси доштани ин парванда.таркиби чиноят мавчуд аст.Ое фахмидани супридан е насупоридани ярокро аз тарафи шахси маълумотдода хамон вактхо мумкин набуд?Акнун факат ба адолати президент ва суд бовар кард!

Ҷавоб диҳед Иқтибос Шикоят

фирон

Холо дар мо мода шудаас дастгир куни хизб ва сиех кардани онхо.

Ҷавоб диҳед Иқтибос Шикоят

Эзоҳ илова кунед