13 июл 2015 17:39Тоҷикистон / Иҷтимоӣ / Акс

Эмомалӣ Раҳмон: Тагор дар сафарҳояш худро эронӣ хондааст (АКС)

Эмомалӣ Раҳмон, раисиҷумҳури Тоҷикистон аснои пардабардорӣ аз муҷассамаи Робиндранат Тагор, файласуф ва шоири маъруфи Ҳиндустон ӯро ошиқи Машриқзамин хонда, гуфтааст, ҳангоми сафарҳояш барои зиёрати оромгоҳҳои классикҳои адабиёти тоҷику форс -- Ҳофиз ва Фирдавсӣ худро эронӣ муаррифӣ кардааст.

Расми пардабардорӣ аз муҷассамаи Тагор имрӯз, 13 июл сурат пазируфт. Дар ин маросим Нарендра Модӣ, сарвазири Ҳиндустон низ иштирок дошт. Тибқи иттилои дафтари матбуоти раисиҷумҳури Тоҷикистон, дар ин маросим Эмомалӣ Раҳмон Робиндранат Тагорро аз зумраи он бузургоне номида, ки беш аз мардумони замони хеш ба наслҳои оянда тааллуқ доранд. “Тагор ошиқи Машриқзамин буд ва ишқу алоқаи бештаре ба сарзамини шоирхези форсизабонон ва забони форсӣ дошт. Ӯ ду маротиба барои зиёрати оромгоҳҳои классикҳои адабиёти тоҷику форс Ҳофиз ва Фирдавсӣ азм намудааст ва ҳангоми ин сафарҳояш ҳатто худро эронӣ хондааст. Ва басо рамзист, ки ин Аллома дар оғози асри XXI пайвандгари маънавии ду кишвари дӯст Тоҷикистону Ҳиндустон мебошад”,-гуфтааст Эмомалӣ Раҳмон.

Нимпайкараи Робиндранат Тагор дар кӯчаи Бухоро, наздикии сафорати Ҳиндустон ва рӯ ба рӯйи Донишгоҳи славянии Русиву Тоҷикистон қомат афрохтааст.

Мӯҳр

Хабарҳои монанд:

ш Душанбе

Аз хамин муҷассамаи Робиндранат Тагора, муҷассамаи Сангак Сафаровро мемондан У хуптар мешуд...хизматхои Сангак Сафаровро бояд Кадрдони кардан даркор аст............

Ҷавоб диҳед Иқтибос Шикоят

ш Душанбе,
Э бие мон хамон сангакатро. Нав номаш гум шуд, ту боз хамон чинояткорро ба ед меори.

Ҷавоб диҳед Иқтибос Шикоят

Посух

ш Душанбе,
Мучассамаи Сангак Сафаров дар Кулоб болои кабрашон вучуд дорад, ташвиш накашед...Хизматхояшро хануз таърих муайан накардааст...

Ҷавоб диҳед Иқтибос Шикоят

студент баха

бисиёр хуб , боз хубтар мешуд пайкарай хамватанамон сайд абдулло нури хам чое дар ин диёр медошт, касеки мисли чаноби рахмон дарду ранч ва азоб кашид барой тенчи ва вахдати точикон.

Ҷавоб диҳед Иқтибос Шикоят

Эзоҳ илова кунед