13 июл 2015 14:02Тоҷикистон / Иқтисодӣ / Рӯ ба рӯ / Тема дня

Пешниҳоди профессори амрикоӣ барои ҳалли баҳси “Роғун” дар Тошканд

Габриэл Экштайн, профессори амрикоӣ дар умури қонунгузории муҳити зист ва захираҳои табиӣ, ҳафтаи гузашта ҳаллу фасли баҳс атрофи нерӯгоҳи "Роғун"-ро бо рӯзноманигорон дар сафорати Амрико дар Тошканд баррасӣ кардааст.

Ин муҳаққиқи амрикоӣ дар як ҳошияи як ҳамоиши байналмилалӣ оид ба мудирияти захираҳои об дар Узбакистон гуфтааст, мушкили "Роғун" бояд бар бунёди қонуни об ҳал шавад. “Ин ҷо ҳақ ва ноҳақ вуҷуд надорад, ҳама чиз аз мувофиқат вобаста аст”-гуфтааст Экштайн ва илова кардааст: “Ба ҳайси як одами бетараф, ман фикр мекунам, ки бар бунёди қонуни об Тоҷикистон ва Узбакистон бояд ба пойи мизи музокирот биёянд”.

Ин муҳаққиқи амрикоӣ гуфтааст, ки “дар ин масъала ба он хотир ҷавоби мутлақ вуҷуд надорад, ки ҳар як ҳолат вижагии худро дорад”. Габриэл Экштайн аз бунёд кардани нерӯгоҳ дар Африқо мисол овардааст, ки мушкили монанд ба Роғун доштааст: “Эфиопия тӯли чанд сол мехост як садд бисозад. Маблағи онро пайдо карданду шурӯъ ба сохтани он карданд. Аммо, Миср ва чанд кишвари дигари поёноб изҳори норизоиятӣ карданд. 80%-и оби Миср аз Эфиопия сарозер мешавад.” Ба гуфтаи ӯ пас аз музокироти кишварҳои Миср, Судон ва Эфиопия ин мушкил ҳал шуд.

“Онҳо обро тақсим накарданд, балки натиҷаи истифода аз онро бо ҳам қисмат карданд. Мақсади асосӣ он нест, ки об аз кӣ аст, балки ба таври муташаккил ҳал кардани масъала ва гирифтани фоида аст”-гуфтааст профессори амрикоӣ.

Мӯҳр

Хабарҳои монанд:

Муслис

Габриэл Экштайн гапхоят дуруст, локин медонед, ки узбакхо сари мизи гуфтушинид намехоханд нишастан. Гап дар хамин хаст

Ҷавоб диҳед Иқтибос Шикоят

Саид

Аз мутхассисон хохиш менамоем, ки ин гуфтахои олими ИМА -ро тахкик намоянд, мисоли Эфиопияро омузанд ва чавоби густурда дар ВАО ва интернет диханд. Шояд холати кор дигар бошад, сарчашмахои асосиро омухтан зарур аст.

Ҷавоб диҳед Иқтибос Шикоят

Ватандор

Натичаи истифодаи нафту газро хам набошад хаминхел бояд хал кард чаноби Экштайн

Ҷавоб диҳед Иқтибос Шикоят

Болта

Ин фитнаи навбатӣ аст ва Тоҷикистонро водор мекунад. ки боз солҳо гирди мизи музокира бо Ӯзбакистон шинаду, бо ҳамин боз бунёди Роғунро ба таъхир гузорад. Роғунро дигар беҳеҷгуна гуфтушунид "густохона" бо нерӯи худӣ бояд бисозему халос. Як бор Шер шавем, канӣ чӣ мешад, то кай акаи шер гуфта мегардем.

Ҷавоб диҳед Иқтибос Шикоят

Tojik

Габриэл Экштайн ба хамун узабкхо нагуфтаст, ки нефти узбакистонхам бояд таксим шавад пули ба даст меомадааш???
Натичаи чангхои ташкил мекардагитон значить барои ба даст овардани фоида ва таксим кардани он будаст даа....

Ҷавоб диҳед Иқтибос Шикоят

Мухочир

Охир ин кал аз кучо медонад, ки узбекистон мизи музокираро еътироф намекунад! Об аз мо асту узбекистон аз зури истифода карда истодааст!

Ҷавоб диҳед Иқтибос Шикоят

Ташна аз сохил

Чаноби Экштайн ба мо маслихатчи даркор нест. Рогун аз мост ва об хам аз мост мо медонем чи кунем.

Ҷавоб диҳед Иқтибос Шикоят

СДА

Барои чи чаноби Экштейн вакте, ки молу колохои Точикистон дар сархади Узбакистону Точикистон бо душворихои гумруки рубару мешавад якбор баромади пасми ва рохи халашро пешниход накард, барои чи аз низоми ягонаи кувваи барк бар хилофи манфиатхои кишвархои хамсоя, бахусус Точикистон, ки дучори сахтарин рузхои бебаркии замистон мешуд, баромаду и чаноби доно ба хамсоячони мо, ки садди пешравии Точикистон мешавад, пешниход накард, ки сари мизи гуфтушунид бишинад? Ё нафту гази Узбакистонхам баробар ва ба манфиати Точикистону Киргизистон таксим шуда наметавонад чаноби намояндаи Амрико? И чаноб, ки аз сафорат овоз дод, яъне ин мавкеъи Амрикост! Маълум мешавад боз акаи Ислом бо чаноби Барак дар чи масъалае савдо доранд ва боз Точикхоро зери по мекунанд! Хукумат бидонад, ки мо чавонон бо Точикистонем ва аз накшахои сарнавиштсози кишварамон бо чону дил химоят мекунем! Манофеи миллии Точикистон аз хама чиз болост!

Ҷавоб диҳед Иқтибос Шикоят

Эзоҳ илова кунед