09 июл 2015 17:28Тоҷикистон / Ҷавонон ва варзиш

Қабули нишони Кумитаи ҷавонон, варзиш ва сайёҳӣ бо розигии Эмомалӣ Раҳмон

Бо розигии бевоситаи Эмомалӣ Раҳмон, раисиҷумҳури Тоҷикистон нишони Кумитаи ҷавонон, варзиш ва сайёҳии кишвар қабул гардидааст. Дар ин бора Наврӯз Қурбонов, масъули Бахши таҳлилу иттилооти ин кумита рӯзи 9-уми июл ба “Озодагон” иттилоъ дод.

Ӯ гуфт, ин тасмим зимни таклифу пешниҳоди як қатор ҷавонон оид ба таҳия намудани нишони кумита ҳангоми истифода дар баргузории силсилачорабиниҳои фарҳангиву маърифатӣ ва варзишиву сайёҳӣ, гирифта шудааст.

Манбаъ мегӯяд, бо таваҷҷуҳ ба он ки кумита масъули се соҳа - ҷавонон, варзиш ва сайёҳӣ аст, нишон низ дар ҳамин замина омода гардида, дар он се соҳа шарҳ дода шудааст: “Аз ҷумла дар бахши ҷавонон дар маркази нишон нахуст рамзи ҷавонон инъикос ёфтааст, ки аз давлати ҷавон будани Тоҷикистон шаҳодат медиҳад”.

Тибқи иттилои Навруз Қурбонов, дар бахши варзиш дар тарафи чапи нишон рамзи пойдорӣ, бардамӣ ва солимии миллат ва дар соҳаи саёҳӣ бошад, дар тарафи рости нишон, рамзи мероси бойи таъриху фарҳангӣ, анъанаҳои неку сулҳпарварона, забонҳои гуногун, фарҳангҳо ва таомҳои миллӣ, табиати нотакрор, обҳои шифобахшу куҳҳои осмобуси кишвар нишон дода шудаанд.

Мӯҳр

Хабарҳои монанд:

Розик

Аз кабули логотип бехтар мебуд худи сохаи варзишро алохида мекарданд.

Ҷавоб диҳед Иқтибос Шикоят

Билол

Пулхои хоричихоро дуздида, нишони махсус месозанд. Гумонам барои сохтани ин нишон хам 150 хазор доллар "нест" шуда бошад:))

Ҷавоб диҳед Иқтибос Шикоят

Чавон

Билол, ба фикрам андешаи бисер торик дори, хатто худ хамчун буди смех торикиро нагз мебини. Ман дар иштирок будам, барои ин нишон ягон маблаг Сарф нашудааст, торикфикр хасти, хайф, нигар боз фарзандонатро низ торикакл нагардони

Ҷавоб диҳед Иқтибос Шикоят

Эзоҳ илова кунед