08 июл 2015 10:12Тоҷикистон / Сиёсат / Дидгоҳи хос

Раиси нави “Сафина” дар бораи "рӯйхати сиёҳ", бозгашти Талабшоҳу Орзу ва афзоиши интиқод

Зевар Давлатзода, раиси навтаъини телевизиони “Сафина” имрӯз, 8-уми июл зимни нишасти матбуотӣ дар Душанбе изҳор дошт, гузоришҳои интиқодӣ тавассути шабакаи зертобеаш зиёд хоҳанд шуд.

Хонум Давлатзода, ки охири моҳи июн раҳбари ТВ "Сафина” таъин гардид, афзуд, бо пахши барномаҳои интиқодӣ талош мекунанд, камбудиҳо дар ҷомеа ислоҳ шавад. Раиси навтаъин инчунин азм дорад, дар пешниҳоди хабарҳо низ тағйирот ворид кунад. Дар баробари ин Давлатзода вуҷуди "рӯйхати сиёҳ"-ро, ки гӯиё роҳи бархе аз овозхонҳою шахсиятҳои тоҷикро ба ин шабака бастааст, рад карда, афзуд, ки ягон маҳдудият вуҷуд надорад.

Ӯ дар мавриди бозпас овардани ситораҳои собиқи ин шабака - Талабшоҳ Муқимов ва Орзу Исоев изҳор дошт, Исоев феълан ҳамкориро бо шабака оғоз кардааст. Давлатзода надоштани дипломи донишгоҳро барои Талабшоҳ Муқимов монеаи ҳамкорияш бо ин телевизион хонд.

Талабшоҳ Муқимов дар гузашта аз барандаҳои маъруфи “Сафина” буда, барномаҳои “Мумтоз”, “Паймон” ва чанди дигарро таҳия кардааст. Ӯ ҳамчунин дар соҳаи истеҳсоли филм низ фаъолият кардааст. “Беҳуда хорам мекунӣ” яке аз онҳост, ки ба интиқоди зиёди мунақидони синамо рӯбарӯ шуд.

Мӯҳр

Хабарҳои монанд:

хонанда

Аз хонум Давлатзода пурсида шавад, ки чаро кормандони гариштатиро аз Сафина аз кор холи карданианд ва такдири хатмкардахои факултети журналистика ки чанд соли охир нештатний корманд дар ин муассиса буданд чи мешавад, диплом доранд ку?

Ҷавоб диҳед Иқтибос Шикоят

ку-ку

Холи нафароне, ки аз "даст"-и Шумо аз Бахористон ба Сафина панох бурда буданд, баъди раиси Сафина таъйин шудани Шумо мешавад?

Ҷавоб диҳед Иқтибос Шикоят

Равшан

Талабшоҳ Муқимов дар гузашта аз барандаҳои маъруфи “Сафина” буда wink

ман агар баромади Талабшоро медидам телевизора мекуштам ЛЕКИН ба Орзу Исоев гап нест хакатан ЖУРНАЛИСТ аст анахомонро биёред ки сафиная тамошокадан интересна шавад

Ҷавоб диҳед Иқтибос Шикоят

шр

орзу исоев баргардонед илтимос

Ҷавоб диҳед Иқтибос Шикоят

Дустмурод

Талабшо журналист нест ва кино хам сохта наметавонад! Аммо Орзу Исоев хам журналисти хирфаи ва хам дар сохаи синамо диди хоси худро дорад. Бо баргаштанашон ба ТВС, мумкин аст мо хам ТВ тамошо намоем...

Ҷавоб диҳед Иқтибос Шикоят

Мухлис

мо хонандагон мукобили барномахои твс нестем дар барномаи маликаи хушхиром ман хатогиро дар ровии барнома Орзу Исоев намебинам хаьои аз тарафи доварон содир шудааст "ман аз ракси шумо кайф накардам"гуфтан аз фарханг берун аст. Талабшо Мукимов ва Орзу Исоев хуб мешуд, ки боз корро идома диханд

Ҷавоб диҳед Иқтибос Шикоят

Эзоҳ илова кунед