07 июл 2015 15:30Тоҷикистон / Иқтисодӣ
100 ҳазор доллар пора. Барои гирифтани розигии раиси ноҳияи Ашт ва...
Тибқи иттилои ин ниҳод, аввалҳои моҳи марти соли равон Абдуазиз Ғафуров, мутахассиси Идораи кишоварзии вилояти Суғд барои мусоидат намудан ба хусусигардонии клуби ҷамоати Ифтихори ноҳияи Ашт аз шаҳрванд “У” пора талаб кардааст.
Манбаъ мегӯяд, Абдуазиз Ғафуров барои гирифтани розигии раиси ноҳияи Ашт, раиси ҷамоати Ифтихор ва раиси хоҷагии деҳқонии Иттифоқи ҳамин ноҳия барои хусусӣ намудани клуб 100 ҳазор доллар талаб карда, давоми моҳҳои апрел-майи соли равон чор ҳазори онро гирифтааст: “21 майи соли равон Абдуазиз Ғафуров бо шаҳрванд “У” вохӯрда боқимонда маблағро дар ҳаҷми 96 ҳазор доллар гирифтааст. Дар раванди гузаронидани чорабиниҳои оперативӣ- тафтишотӣ Абдуазиз Ғафуров баъди гирифтани 100 ҳазор доллар дастгир карда шуд”.
Оҷонсии назорати давлатии молиявӣ ва мубориза бо коррупсияи дар як гузориши телевизионӣ илова намуд, дар ҷараёни тафтишот маълум гардид, ки дар ин қазия Сангинбой Дадоматов, сардори бахши амволи ноҳияи Ашт низ даст дорад. Ба иттилои Оҷонсӣ, Дадоматов дар чанд ҳолат аз шаҳрванд “У” барои баррасии аризааш ҷиҳати хусусигардонӣ ва барои омода намудани лоиҳаи қарори раиси ноҳияи Ашт оиди ба фурӯш барованди амвол дар ҳаҷми гуногун маблағ гирифтааст: “Сангинбой Дадоматов баъди ба даст овардани қарори раиси ноҳияи Ашт оиди ба фурӯш баровардани амволи давлатӣ, бо мақсади такроран гирифтани пора бо шаҳрванд “У” вохӯрда, барои гирифтани хулоса аз Идораи амволи вилояти Суғд ва нархгузории объект аз ӯ 400 доллари дигар гирифтааст”.
Дар ин гузориш гуфта шуд, Дадоматов инчунин барои гирифтани розигии раиси Идораи амволи вилояти Суғд ва барои паст кардани нархи амвол аз “У” 1600 доллару 3600 сомонӣ гирифтааст. Оҷонсӣ мегӯяд, тафтишот чанд ҳолати дигари ришвахории Сангинбой Дадоматовро ошкор сохт.
Бино ба иттилои Оҷонсии назорати давлатии молиявӣ ва мубориза бо коррупсия, алайҳи Абдуазиз Ғафуров бар асоси моддаи 319, қисми 4 ва нисбати Сангинбой Дадоматов тибқи модаи 319, қисми 4 бандҳои а, б, г-и Кодекси ҷиноятӣ парвандаи ҷиноӣ боз шуда, тафтишот идома дорад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
