07 июл 2015 10:48Тоҷикистон / Сиёсат

Супориши Убайдуллоев: Аз либоси ягона то истифодаи зарфияти соҳибкорон

Маҳмадсаид Убайдуллоев, шаҳрдори Душанбе дар ҷаласаи васеи кории рӯзи 6 июли худ бори дигар ба роҳандозии либоси ягона дар тамоми субъектҳои хидматрасонии пойтахт таъкид кардааст.

Ба иттилои дафтари матбуоти шаҳрдорӣ, Убайдуллоев ба масъулини соҳа дастур додааст, “либоси ягонаи таъинотӣ дар тамоми субъектҳои хизматрасонӣ роҳандозӣ карда шавад”.

Инчунин шаҳрдори Душанбе масъалаи тармиму бозсозии роҳҳои пойтахтро ба миён гузошта, супориш додааст, барои рафъи ин мушкил аз зарфияти соҳибкорон, сохторҳои худфаъолияти ҷамъиятию аҳли ҷомеа, сокинону субъектҳои хоҷагидорӣ истифода шавад. Дар ин ҷаласаи Убайдуллоев масоили таъминоти аҳолӣ бо оби нӯшокӣ, беҳбудбахшии вазъи санитарию экологӣ, бо инобати гармии ҳаво вусъати корҳои профилактикӣ оид ба эмин нигоҳ доштани дарахту сабзазорони шаҳр аз гармӣ, ҳолати зиддисӯхтории бинову иншоот, назорати роияи муқаррароти қонунгузорӣ оид ба манъ доштани парвариш ва нигоҳдории чорвои хурду калон дар қаламрави шаҳр, безараргардонии сагҳои дайду, дар ҳолати хуби корӣ нигоҳ доштани каналу селпартоҳо ва тақвиятбахшии фаъолияти Ситоди ҳолатҳои фавқулодда ва мудофиаи граждании шаҳри Душанбе дар мавзеъҳои оббозии сокинон ва назди каналу дарёҳои марзгузари шаҳр, риояи фарҳанг ва одоби шаҳрнишинӣ, таъсиси ҷойҳои нави корӣ, вусъати тадбирҳо оид ба дастгирии соҳибкорӣ, пешгирӣ намудани ғасби худсаронаи қитъаи замин ва таъмини волоияти қонун дар ин самт, роҳандозии инвентаризатсияи сартосарии моликияти коммуналӣ дар марзи шаҳр ва ҳолати роҳҳову иншооти роҳсозӣ низ баррасӣ шуда, ба масъулин дастуру супоришҳои мушаххас ироа гардидааст.

Раиси шаҳри Душанбе дар идома нақши ҳамаи соҳибкоронро дар амалисозии ташаббуси худ оид ба пешгирии болоравии нархи маҳсулоти ниёзи аввалия дар моҳи шарифи Рамазон дар пойтахт бориз хонда, ба онҳо миннатдорӣ баён кардааст.

Мӯҳр

Хабарҳои монанд:

Мухаммад

Исломбадбинии мансабдорони то ин хад зиед шудааст, ки барои мубориза бар зидди хичоб барои хонумхои фурушанда ва дигар корхонахи хизматрасони либоси "махсус" чори мекунанд. Мисли либоси духтарони мактабхон ва донишгоххо. Хатман ин либоси пешниходшуда пеши бар, гардан, гуш, ними муи сар е хаммааш ва то оринчи хонумонро кушода монданашро такозо мекунад. Хулоса зидди хичоб. Инно лиллохи ва инно илайхи рочиъун. Баъд мегуянд: мо зидди хичоб нестем, балки хар ташкилот либоси кории худашро дорад ва дигар сафсатахои дигар.....

Ҷавоб диҳед Иқтибос Шикоят

муосир

Мухарам раис супоришхои бисёр медихаду, лекин ичроишашон суст аст. Агар ичро шаванд албатта бехбуди мешавад

Ҷавоб диҳед Иқтибос Шикоят

ш Душанбе

мухтарам шархдор Поитахтамон дар холати хориу зори каррор дорад...мисол ... кор доим хонасози ба кавли мародуми точик Бизнес тамом .дигар кор нест дар Поитахтамон бовар кунед не рох аст , не як чои нафаскаши , не хонайки бе об набошад...не тавакугох ....хаминки чои холира йофтану мо месозем чи месози хонаи бемаънеи баланд ошийна ...илтимос чор раиси нохия кор намекунанд ....кор дим мачлисбозии бе мантик.......

Ҷавоб диҳед Иқтибос Шикоят

Бандаи худо

Мухтарам раиси шахр ягона касе ки базиди хичоб гап намезад шумо будед ин фармонатон хубнест якчизро фаромуш накунед хамон худое ки хичобро амр кардаст шуморо умри дубора дод! Умр дар лахзае мегузарад амали моончо сабт мешавад барори кор ба шумо.

Ҷавоб диҳед Иқтибос Шикоят

Эзоҳ илова кунед