Раиси Кумитаи дин иттилои Викиликс оиди маблағҳои Саудиро тасдиқ кард
Давлатов, имрӯз, 7-уми июл зимни нишасти матбуотӣ дар Душанбе дар посух ба суоли “Озодагон” иттилои Викиликсро тасдиқ карда, таъкид намуд, ки маблағҳо аз Арабистони Саудӣ дар доираи қонун ҳамчун бурсия гирифта шудаанд. Дар посух ба суоли дигар, оё шахсони алоҳида, ки аз онҳо дар иттилои Викиликс ёд мешавад, ҳаққи гирифтани бурсияро доранд, гуфт: “Он маблағҳои шахсони алоҳида набуда, бурсияҳо буданд, ки дар асоси қонун гирифта шудаанд”.
Раиси Кумитаи дини Тоҷикистон аз ифшои ному насаби нафароне, ки дар сомнаи Викиликс зикр шудаанд, худдорӣ кард.
Ин дар ҳолест, ки ахиран пойгоҳи интернетии WikiLeaks, ки бо фошкориҳояш аз соли 2007 инҷониб маъруф аст, ахиран аз "руҳониёни зархарид"-и тоҷик иттилоъ дод, ки ба ивази маблағ ғояҳои мазҳабии Арабистони Саудиро таблиғ мекунанд.
WikiLeaks, ки 19-уми июн тақрибан 70 ҳазор мукотиботи Вазорати умури хориҷӣ ва дигар ниҳодҳои Арабистони Саудиро ифшо кард, аз ҷумла номаҳои сафорати Арабистони Саудӣ дар Тоҷикистонро низ нашр кардааст. Дар номаҳои марбут ба Тоҷикистону Арабистони Саудӣ, ки солҳои 2011-2012 навишта шудаанд, аз ҷумла дархости Вазорати умури хориҷии Тоҷикистон ифшо шудааст, ки барои гузарондани конфронс дар мавзӯи марбут ба Афғонистон аз Арабистони Саудӣ 200 ҳазор доллари амрикоӣ кӯмак хостааст.
Дар номаи дигари сафорати Арабистони Саудӣ, дипломатҳои ин кишвар аз густариши ҳузури Эрон дар Тоҷикистон нигаронӣ карда, фаъол кардани таблиғгарони ғояҳои мазҳабии Арабистони Саудиро дар Тоҷикистон зарур хондаанд. Аз ҷумла дар номаи сафорати Арабистони Саудӣ, ки 4 соли пеш навишта шудааст, зикр шудааст, 12 нафарро ба ивази маблағ ба таблиғи ғояҳои мазҳабии Арабистони Саудӣ ҷалб кардаанд, ки 5 нафарашон устоди Донишгоҳи исломии Тоҷикистон мебошанд. Дипломатҳои Арабистони Саудӣ зарур хондаанд, ин раванд густариш ёбад.
Тибқи мактубҳои нашркардаи WikiLeaks бисёре аз мукотиботи сафирону Вазорати умури хориҷии Арабистони Саудӣ ба масоили мазҳабӣ рабт доранд. Аз ҷумла тибқи ин ҳуҷҷатҳо Арабистони Саудӣ аз Кувайт хоҳиш кардааст, ки пайравони шиаро ба лоиҳаҳояш камтар роҳ диҳад.
Дар асноди ифшокардаи WikiLeaks баробари мукотиботи Вазорати умури хориҷии Арабистони Саудӣ инчунин гузоришҳои хадамоти ҷосусӣ ва Вазорати умури дохилии ин кишвар ҷой доранд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Декабр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | |||||
