06 июл 2015 16:33Тоҷикистон / Иҷтимоӣ

Вазир: Дигар ба ҳуқуқшиносу иқтисодчиҳо квота намедиҳем...

Нуриддин Саид, вазири маориф ва илми Тоҷикистон мегӯяд, минбаъд барои ихтисосҳое, ки дар бозори меҳнат талабот надоранд, аз қабили ҳуқуқшиносӣ, молияю қарз ва баҳисобгирии бухгалтерӣ квотаҳои президентӣ дода намешавад.

Вазири маориф ва илми кишвар имрӯз, 6 июл зимни нишасти хабарӣ дар Душанбе изҳор дошт, ки минбаъд имтиёз ва квотаҳо барои итисосҳое, ки ба онҳо эҳтиёҷ зиёд аст, аз қабили, забони русӣ, англисӣ, физика, математика, география, биология ва мусиқӣ дода мешавад: “Имрӯз дар сатҳи ҷумҳурӣ зиёда аз 3 715 омӯзгори ихтисосманд намерасад, ки қисми зиёди он ба вилояти Суғд- 956 нафар, ВМКБ-163 нафар, вилояти Хатлон -777 нафар, шаҳри Душанбе 446 нафар ва ноҳияҳои тобеи ҷумҳурӣ 1373 нафар рост меояд”.

Нуриддин Саид илова кард, феълан ҳастанд нафароне, ки бо маълумоти миёнаи касбӣ дар макотиб дарс мегӯянд: “Дар ду-се соли оянда ин мушкил бартараф хоҳад шуд, зеро мо ин нафаронро ба тадрис дар донишгоҳҳое, ки омӯзгор омода мекунанд, ҷалб мекунем”.

Ба гуфтаи вазир барои соли таҳсили 2015-2016 дар муассисаҳои олии таълимӣ, тибқи квотаи президентӣ 1 ҳазору 312 ҷой, аз ҷумла барои духтарон 678 ҷой ва барои писарон 634 ҷой ҷудо гардид, ки нисбати соли гузашта 21 адад зиёд мебошад.

Мӯҳр

Хабарҳои монанд:

Абугаранг

Бародаро имруз 6-ум аст охир...

Ҷавоб диҳед Иқтибос Шикоят

академик

мухтарам раис, оилаи ман муаллимаи забонхои немисиву англиси дар яке ба ном пешкадамтарини нест дар чахон. маошаш кариб ба ду бор бозор рафтану омадан. ягон хохиши муаллимаги дигар намондааст. сохиби дипломи сурх. барои чи? барои он ки дар мактабхо махалчиги дар дарачаи осмон. ва сол аз 12 мох, аз пушти талабахо каравул, аз ин майраму ид, то дигараш. боз мегуед ки ихтисос намерасад

Ҷавоб диҳед Иқтибос Шикоят

дониёр

э хе писарони мансабдорон бе квота чи кор мекунанд

Ҷавоб диҳед Иқтибос Шикоят

Эзоҳ илова кунед