06 июл 2015 13:00Тоҷикистон / Сиёсат

Аз шеваи пайвастшавии Ҳалимов то донишҷӯёни квотадор дар ДИИШ

Худойбердӣ Холиқназар, раиси Маркази тадқиқоти стратегии назди Президенти Тоҷикистон гуфт, ки Гулмурод Ҳалимов, сардори собиқи дастаи таъиноти вижаи Вазорати корҳои дохилии Тоҷикистон – ОМОН аз тариқи шабакаҳои иҷтимоӣ мағзшӯйӣ шуда ва аз ҳамин роҳ ба сафи ҷангҷӯёни ДИИШ пайвастааст.

Худойберди Холиқназар гуфт, ки аксарияти ҷавонони тоҷик ва шаҳрвандони Тоҷикистон, ки ба сафи ҷангҷӯёни ДИИШ пайвастаанд аз тариқи шабакаҳои иҷтимоӣ мағзшӯйӣ шудаанд. Ӯ шабакаҳои иҷтимоиро аз ҷумлаи хатарноктарин василаҳои ҷалби шаҳрвандони Тоҷикистон ба сафи ин гуруҳи бо номи “Давлати исломӣ” донист.

Ба назари оқои Холиқназар аксари ҷавонони Тоҷик тариқи Русия ба сафи ин гуруҳ пайвастаанд: “Бештар аз 80 дарсади шаҳрвандони Тоҷикистон, ки ҳоло дар сафи ин гуруҳ мебошанд тариқи аз Русия тавассути Туркия ба Сурия ва Ироқ ворид шудаанд”.

Худойбердӣ Холиқназар ба ин суол, ки оё хадамоти амниятии Русия ин неруро надоранд, ки сафи пайвастани муҳоҷирин ва шаҳрвандони худро ба сафи ДИИШ бигирад, гуфт, то даме, ки аз Русия кадом як афсари баландрутбааш ба ин гуруҳ напайвандад, ин кишвар бархӯрди ҷиддӣ бо касоне, ки ба сафи ин гуруҳ мепайванданд, намекунад.

Ин дар ҳолест, ки Нуриддин Саид, вазири маориф ва илми Тоҷикистон низ дар посух ба суол оиди пайвастани донишҷӯёни тоҷик ба ДИИШ изҳор дошт, ки вазорат то ҳозир аз 5 ҳолат иттилоъ дорад. Вазири маориф гуфт, то ҳол аз пайвастшавии як донишҷӯи хориҷшудаи Донишгоҳи миллӣ, як донишҷӯи Донишгоҳи тиббӣ ва як донишҷӯи Донишгоҳи аграрии Тоҷикистон ба ДИИШ иттилоъ доранд: “Донишҷӯи ДМТ дар бахши баҳисобгирии бугалтерӣ таҳсил дошт ва барои таҷрибаомӯзӣ ба Қубодиён фиристода шуд... Баъдан иттилоъ ёфтем, ки ӯ ба ДИИШ пайвастааст”.

Вазири маориф афзуд, ки инчунин ду донишҷӯи тоҷик, ки тариқи квотаи ҳукумати Тоҷикистон дар Русия таҳсил мекардаанд, ба ДИИШ пайвастаанд: “Шояд мақомоти дигар аз пайвастшавии донишҷӯёни бештари тоҷик ба сафи ДИИШ иттилоъ доранд”.

Ахиран Эмомалӣ Раҳмон, раисиҷумҳури Тоҷикистон теъдоди донишҷӯёни тоҷикро, ки ба ДИИШ пайвастаанд, 18 нафар арзёбӣ намуд: “Айни ҳол 7 ҳолати ба Сурия рафтани донишҷўёни тоҷики дар хориҷи кишвар таълимгиранда муайян шудааст. Инчунин далелҳои иштироки 11 нафар донишҷўёни макотиби олии мамлакат дар сафҳои ба ном Давлати исломӣ ба қайд гирифта шудаанд”.

Мӯҳр

Хабарҳои монанд:

Рачабали

Сабаби би сурия рафтани чавонон ин бепули, бекори,бесохиби ва гуруснаги мебошад. чунончи дар урфият мегуянд : "Гурусна бо шер мезанад"

Ҷавоб диҳед Иқтибос Шикоят

мухочир

Хамин Русияравиро мань кардан даркор, агар ин Абухалим магзшуи шуда бошад аз дигарон чи Гила?

Ҷавоб диҳед Иқтибос Шикоят

Тоҷик

Ин ҷавонон мағзшуӣ шуданд мегуяд, яъне бо онҳо кор карданд ва онҳоро ба ин роҳ водор карданд.
Вале мо чӣ кор карда истодаем?
Биёед аз худ душмантароширо бас кунем. Миёни ҳам тарҳи дустӣ андозем то тавонем ин ҷавононро ва касе ба онҳо алоқаманд аст аз ин хатар ва аз ин вабо нигаҳ дорем.
Агар ҳама бо ҳам дасти ба даст карда сари ин масъала хезем, Худо хоҳад метавонем аксари онҳоро аз ин роҳ гардонем.
Вале чун бо онҳо хуб кор карда намешавад, касоне ки ба ин масъулият сафарбар мешаванд малакаи қонеъ кардани ҷавононро надоранд баръакс ҷаҳли онҳоро бо ҷаҳли худ зиёд мекунанд.

Ҷавоб диҳед Иқтибос Шикоят

Эркамох

Бачахо !! вазъият охиста-охиста муташанич шуда истодааст.ин кори шухи нест.

Ҷавоб диҳед Иқтибос Шикоят

кулябец

Ноумеди, гуруснаги, дар гариби тахкир шудан , бе пули, зиндагие ки фардояш номаълум сабабхои ба Сурия рафтани чавонон мебошад. Барои чи дар Точикистон такдири шахсони бе чои кор ба худашону Худованд хавола кардаги? Барои чи 95% занони дехот умуман бекоранд? Мардони аз 18 то 45 сола 75% мухочиру дарбадаранд ва дар хорича умуман кадру киммате надоранд ва хамчун коргари сиёх истифода мешаванд . Барои чи намоишномае ё сугворие дар бораи мухочирони корие ки аз Русия мекушанд нест? Факат чобачогузории кадрхо ва даст ба пеши бар карда вазифа гирифтан. Ягон чорабинии фаври оиди мухочирон ва такдири онхо нест. Гуё точик барои мардикори ва тахкир зода шуда бошад.

Ҷавоб диҳед Иқтибос Шикоят

ислом.70mail.ru

Бародар Мухочир! барои ба Россия рафтанро маън кардан, аввал чои кори бояд тамин кард. Бехуда Лоик нагуфта буд: Миллати Точик парешон аст доим дар чахон, Ин парешони барои гушначашмон ид шуд.

Ҷавоб диҳед Иқтибос Шикоят

Рустам

Бо Худойберди Холикназар гуфтани хастам, ки барои чи як бор дар бораи паст будани сатхи зиндагии мардум сухан намегуяд? Як бор тадкикот мебурдед, ки шароити зиндагии мардуми кухистону водихо дар кадом сатх аст. Дар кабинет шишта, такид кардани ХНИТу Халимов осон. Инро аз занакхои лаби об пурсед хам медонанд.

Ҷавоб диҳед Иқтибос Шикоят

мархабо

Сатхи зиндагии мардум руз ба руз паст шуда истодааст бар замми ин чандин хазорхоро аз кор сокращени мекунанд ки пулхоро эконом бикунанду боз маошро аз хисоби сокращении онхо ба дигархо зам гардонанд. ин рохи бехбудии сатхи зиндагони нест бояд олимону донишмандони асилу хакики программаи бехбуди иктисоди кишвар ва мардумро пайдо бикунанд. хар як шахрванд хак дорад зисту зиндагиашро бех кунад ва ба ин сарконуни мо кафолат додааст.

Ҷавоб диҳед Иқтибос Шикоят

шахрванд

кулябец,
саломат бош, бародар. и дар боло шиштахо, аник ба фикрум намедонанд то хол дар олам чи гап аст. факат душмантарошиву хайкалсози. Мардикороне ки сум рои мекардан, сумаш хубу худуш бад. Хама равиши дуне, аввалу охир дорад. и банкиро я умр фикр кардан ки аз пули мухочир тов дода мегардан

Ҷавоб диҳед Иқтибос Шикоят

кулябец

шахрванд,
Албатта ман хакикати холро менависам! Ташаккур барои дастгири .

Ҷавоб диҳед Иқтибос Шикоят

Эзоҳ илова кунед