06 июл 2015 11:02Тоҷикистон / Сиёсат / Рӯ ба рӯ

ТАҒИРОТИ КАДРӢ: Аз раҳбари нави Шабакаи аввал то сармуҳаррири нави “Ҷавонони Тоҷикистон”(АКС)

Эмомалӣ Раҳмон, раисҷумҳури Тоҷикистон тағйироти кадрӣ дар раёсати Васоити ахбори оммаи давлатии кишварро идома додааст.

Ба иттилои дафтари матбуоти раёсатҷумҳури кишвар, имрӯз 6 июл дар мувофиқа бо Эмомалӣ Раҳмон Айниддин Самаруддин муовини роҳбари Хадамоти матбуоти президенти кишвар таъйин шудааст. Оқои Самаруддин то кунун ба ҳайси директори Шабакаи якуми телевизиони Тоҷикистон кор мекард. Ҳоло ба ҷои ӯ дар ин симмат Суҳроб Рауфов таъйин гардид.

Инчунин Самаруддин Асоев, сармуҳаррири ҳафтаномаи "Ҷавонони Тоҷикистон" муовини аввали сармуҳаррири рӯзномаи “Ҷумҳурият” таъйин шудааст. Ӯ дар ин мақом Атохоҷа Мирзоҷалоловро иваз кард, ки қаблан муовини раиси Иттифоқи нависандагони кишвар интихоб шуд.

Ҳамин тариқ, Моҳира Сангмамадова Пайшанбеевна - муовини сармуҳаррири рӯзномаи “Ҷумҳурият”, Назаров Умед Абдураҳимович - муовини аввали директори муассисаи давлатии “Ҷаҳоннамо” ва Каримов Бахтовар Абдураҳимович - сармуҳаррири рӯзномаи “Ҷавонони Тоҷикистон” таъйин шудаанд. Ахирӣ то имрӯз сармуҳаррири радиои "Садои Душанбе" буд.

Дафтари матбуоти раёсатҷумҳур афзудааст, Хайринисо Расулӣ бо сабаби расидан ба синни нафақа аз вазифаи муовини сармуҳаррири рӯзномаи “Ҷумҳурият” озод шудааст.

Мӯҳр

Хабарҳои монанд:

Ношинос

ку соз букобен яке ягон Самаруддини дигар ягончода пайдо шавад мансабуш дихен

Ҷавоб диҳед Иқтибос Шикоят

тв реклама

директори нав боз рекламахои тв_ра кам накунад ки мо шахрвандон хафа шавем ин тв хои мора тамошо куни фикр мекуники дар дохили дорухона шиштагии.

Ҷавоб диҳед Иқтибос Шикоят

Султон

НОШИНОС
Надониста гап назан Самариддин Айниддин бехтарин кадр аст. Акаи Самариддин Шуморо Худо нигахбон бошад. Султон бизнесменНошинос,

Ҷавоб диҳед Иқтибос Шикоят

Кандалот

Ачиб аз наттоки хам одам мувоин мешудаст да????? О и Назаров Умед кудак аст ку чи хел як муассисаи иттилоотии кишварро рохбари карда метонад????
Бечора мутахассисон сохибтарчиба мемонаду ким кадом кудак рохбар мешавад. Уффффффффффффффффффффффффффф где тут адолат(((((((((((((((((((((((((((((

умед назаров муовин???? даааа.......

Ҷавоб диҳед Иқтибос Шикоят

Сармад

Мохирабонуро ба симати муовини рузномаи Чумхурият таъин шуднащ табрик мегем, то бп сармухарири ин рузнома кушиш карда расанд.

Ҷавоб диҳед Иқтибос Шикоят

Султон

Акнун, натокони телевизион ва умуман коргарони телевизион дар харкучо вазифа мегтранд,,, холо мебинед дар прократура ва амният хам онхо чои худро меебанб,,

Ҷавоб диҳед Иқтибос Шикоят

анвар

2 савол. Аввал гуед, ки Мохира Сангмамадова барин журналистро ки мешиносад? 2. Сармухаррири "Чавонони Точикистон"- ро бояд чанобашон таъин кунад? Маъзарат, аммо ин нашрияи кумита ва созмони чавонон аст. Президентро илтимос аз ин бештар масхара накунед.

Ҷавоб диҳед Иқтибос Шикоят

чавоб ба тангназарон

навиштаанд, ки хатто сармухаррири Чавононои Точикистонро Президент таъин мекунад. О мардум таъин карданро "аз барои сухбат кабул кардан" фарк намекунед? Президент хидоят мекунанд чавононро....
э биед монеде,,, бовар кунед, аксарият тангназар хастанд, ба ояндаи кишвар хушбин нестанд.. Чавононро монед кор кнанд охир,

Ҷавоб диҳед Иқтибос Шикоят

Хусейн Саъдуллоев

Ман аз самими дил муаллимаам Сангмамадова Мохираро барои таъин шуданашон ба вазифаи нав табрику тахният гуфта дар корхои ояндаашон бурдборихои беназирро таманно дорам.Мехохам ки хамеша хаминхел сарбаланд бошанд.
Аз номи донишчуёни донишкадаи идоракунии давлатии назди Президенти Чумхурии Точикистон

Ҷавоб диҳед Иқтибос Шикоят

Эзоҳ илова кунед