02 июл 2015 12:43Тоҷикистон / Фарҳангу адаб
Истиқболи раҳбари Эрон аз шеърхонии шоири тоҷик
Ин дидор идомаи мулоқоти Хоманаӣ бо шоирон аст, ки ҳамасола миёнаи моҳи мубораки Рамазон дар Эрон баргузор мешавад. Дар дидори имсол аз 10 кишвари ҷаҳон, назири Тоҷикистон, Ҳиндустон, Афғонистон, Покистон, Туркия ва Озарбойҷон наздики 200 шоир ҳузур доштанд. Шеъри Шоҳмансури Шоҳмирзо, адиб ва коршиноси мизи Тоҷикистон дар Муассисаи фарҳангии ЭКО аз ҷониби раҳбари Инқилоби Исломии Эрон гарм истиқбол шуда, ба гуфтаи шоҳидон “дар миёни тараннуми он бо вожаҳои “хеле хуб”, “баҳ–баҳ”, “аҳсан” сурудаи ӯро таҳсин кардааст.
Шоҳмансури Шоҳмирзо муаллиф ва мураттибу мутарҷими беш аз 12 китоб дар Тоҷикистон ва Эрон буда, дар беш аз 40 ҳамоиш дар Эрон, Озарбойҷон,
Қирғизистон ва Покистон суханронӣ намуда, беш аз 500 мақола дар бораи шахсиятҳо ва чеҳраҳои маъруфи Тоҷикистон дар матбуот ва расонаҳои Эрон мунташир намудааст. Соли 2011 Академияи Қафқоз ӯро ба хотири таълифи китоби “Сурмаи дил” (дар ҳамкорӣ бо падараш Шоҳмирзои Хоҷамуҳаммад) бо Ҷоизаи Михаил Лермонтов қадрдонӣ намуд. Шоҳмансур дар таҳрир, таҳия ва вироиши китобҳои “Фарҳанги имлоии хатти форсӣ ба сириллики тоҷикӣ” (Фарҳангистони забону адаби форсии Эрон, “Суруш”, 2009), китоби “Ҳабибе аз билоди ҷовидон” ( Душанбе, “Аршан”, 2011) ва маҷмӯаи “Ба хуршед монад ҳама кори ту” (Хуҷанд, 2014) саҳим будааст.
Шеъри Шоҳмансури Шоҳмирзо, ки дар дидори шоирон бо раҳбари Инқилоби Исломии Эрон қироат шуд, пешниҳоди хонанда мегардад:
Дил андӯҳпарвар набошад, набошад,
Ҳумо соягустар набошад, набошад.
Ба ширинии зикри Ҳақ дилхушам ман,
Сари суфра шаккар набошад, набошад.
Сипоҳам ба ҷанги дадон нури ишқ аст,
Сиёҳии лашкар набошад, набошад.
Хушо гум шудан дар миъоди нигоҳат,
Агар субҳи Маҳшар набошад, набошад.
Мабодо ҷудо гардад аз ман ғами ишқ,
Агар коми дилбар набошад, набошад.
Маро сарват ин нест ҷуз хоки кӯяш,
Гадо гар тавонгар набошад, набошад.
Ба лавҳи дили худ набиштем шеъре,
Ба девону дафтар набошад, набошад.
Илоҳӣ сарат сабз бодо, ҳамеша,
Ба тан гар маро сар набошад, набошад.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
