24 июн 2015 09:32Оcиёи Марказӣ / Тоҷикистон
Намояндаҳои НАТО Тоҷикистонро шарики боэътимоди худ хонданд
Ҷаноби Кенеш ин нуктаро зуҳри 24 июн баъд аз мулоқот бо Эмомалӣ Раҳмон, раисҷумҳури Тоҷикистон иброз доштааст. Ӯ гуфтааст, “муносибот миёни Тоҷикистон ва НАТО ба хотири дастгирии субот ва амният дар ин кишвар ва минтақа идома ва таҳким хоҳад ёфт”.
Ба гуфтаи раиси Кумитаи ҷанбаи шаҳрвандии амниятии Ассамблеяи парлумонии НАТО, онҳо дар мулоқот бо Эмомалӣ Раҳмон таъкид кардаанд, ки Тоҷикистон шарики боэътимоди онҳо боқӣ хоҳад монд: “Тоҷикистон дар ҷанбаи минтақавӣ нақши бисёр муҳимро мебозад. Ҳайати мо чанд кишварро намояндагӣ мекунанд ва мо афкори умумии НАТО-ро муаррифӣ менамоем. Мо метавонем гуфт, ки муносибатҳо миёни Тоҷикистону НАТО бояд идома ва густариш ёбанд. Мо мефаҳмем, ки Тоҷикистон сиёсати дарҳои кушодро роҳандозӣ намуда, бо чандин кишварҳо ва минтақаҳои ҷаҳон робита дорад”.
Кенеш афзудааст, онҳо дар доираи ин сафарашон чанд шарҳу мулоҳиза ва иттилои муфид дар бораи вазъияти Афғонистон, ки аслан вобаста ба вазъи сарҳадот миёни Тоҷикистон ва ин кишвар асту масоили амниатиро фарогир мегирад, қайд намуда, ҳамчун узви парлумонҳои кишварҳои худ, ки аъзои НАТО ҳастанд, ба парлумону ҳукумат ва мардумашон хоҳанд расонд.
Вакилони Ассамблеяи парлумонии Созмони Аҳдномаи Атлантикаи Шимолӣ ё НАТО дар доираи як сафари дурӯза рӯзи 22 июн вориди шаҳри Душанбе шуданд. Ба иттилои дафтари матбуоти Вазорати умури хориҷии Тоҷикистон, вакилони Ассамблеяи парлумонии Созмони Аҳдномаи Атлантикаи Шимолӣ дар ҷараёни ин сафар бо мақомоти баландпояи ҷумҳурӣ, раисони палатаҳои парлумон, роҳбарони вазорату идораҳо, аз ҷумла Эмомалӣ Раҳмон ва Маҳмадсаид Убайдуллоев, раиси Маҷлиси милли кишвар гуфтугӯ ва мулоқот карданд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
