21 июн 2015 11:58Оcиёи Марказӣ / Тоҷикистон

Чаҳордараи Афғонистон низ таҳти идораи Толибон қарор гирифт

Мақомоти маҳаллии вилояти Кундузи Афғонистон, ки ҳаммарз бо Тоҷикистон аст, аз таҳти тасарруфи гуруҳи Толибон қарор гирифтани вулусволии Чаҳордараи худ хабар медиҳанд.

Муҳаммад Юусуф Аюбӣ, раиси Шӯрои вилоятии Кундуз дар суҳбат бо хабаргузории “Пажвок” гуфтааст, даҳҳо ҷангҷӯи Толибон шоми 20 июн дар пайи даргирие бо нерӯҳои давлатӣ тавонистаанд, вулусволии Чаҳордараро таҳти тасарруфи худ қарор диҳанд.

Ба гуфтаи ӯ, ҳоло неруҳои давлатии Афғонистон то 4-километрии шаҳри Кундуз ақибнишинӣ кардаанд.

Амриддин Валӣ, узви Шӯрои вилоятии Кундуз дар ин ҳодиса ҳукумати Афғонистонро айбдор карда, афзудааст, “ҳукумати марказӣ ба дархости такрории мо, ки хостем, неруҳи иловагӣ фиристода шавад аҳамият надоданду бетаваҷҷуҳӣ карданд”.

Ғулом Муҳиддин, як масъули амниятии вулусволии Чаҳордара низ дар суҳбат бо “Пажвок” ин хабарро тасдиқ карда, гуфтааст, ҷангҷӯёни Толибон дар баробари тасарруфи ин вулусволӣ шуморе аз васоити нақлиёт ва таҷҳизоти давлатиро низ соҳиб шудаанд.

Вулусволии Чаҳордара дар 10-километри 0арби шаҳри Кундуз ҷойгир буда, моҳҳои ахир ба саҳнаи даргириҳои шадиди неруҳи давлатии Афғонистон бо ҷангҷӯёни Толибон табдил ёфтааст. Ин дар ҳолест, ки қаблан мақомоти Афғонистон мегуфтанд, Толибон 65 дарсади ҳудуди Кундузро ба тасарруфи худ даровардааст.

Мӯҳр

Хабарҳои монанд:

Фаррух

Тахти ишгол гуфта шавад на идора. хар чо саллаву фаш аст идора намекунад ишгол мекунад ва 14 аср пеш хам бо хамин рох пеш рафтанд ва имруз дар гили худ фуру монданд ва рузгораш ру ба табохи менихад то тухмаи Заххокиён дар ин замини зебо пок шавад

Ҷавоб диҳед Иқтибос Шикоят

мусалмон

Ба фарух дар точикистон як е ду сол чанг шуд 22 сол шуд ки мегуен мо нав аз чанги шахрванди баромадем. Офарини афгонхо намегуи ки чанд сол русхои бародарот ва амрикоихои хамдинат чи кадар мардуми мазлуми афгонро бомба борон карда истодаанд

Ҷавоб диҳед Иқтибос Шикоят

Эзоҳ илова кунед