Дар Тоҷикистон Гимназияи исломӣ бошад ё набошад?
Ягонаи Гимназияи исломии Тоҷикистон ахиран хабарсоз шуд. Хабарҳо дар бораи қатъи фаъолияти он дар андак фурсат ба сархати хабарҳо баромад. Бино ба иттилои расида, дар ин муассисаи таълимӣ 1548 нафар таҳсил мекардаанд ва Вазорати маориф ва илм гуфт, як теъдод аз онҳо акнун дар мактабҳои таҳсилоти умумӣ дарс хоҳанд хонд. Далели мушкили гимназияро дар баҳси биное медонанд, ки он ҷойгир аст. Дар робита ба ин “Озодагон” соҳибназарон пурсид: ДАР ТОҶИКИСТОН ГИМНАЗИЯИ ИСЛОМӢ БОШАД Ё НАБОШАД?
Саъдӣ МАҲДӢ, устоди донишгоҳ
Борҳо гуфтаем ва бори дигар мегӯем, ки таълимоти исломӣ дар мазҳаби ҳанафӣ на танҳо дар мактабҳои сирф исломӣ, ки дар мактабҳои давлатӣ низ амри зарурист. Чаро? Имрӯзҳо ҷавонон аз сабаби ошноӣ надоштан ба фикҳи ҳанафӣ ба ҳар гуна ҳизбу ҳаракатҳои ифротиву экстремистӣ рафта истодаанд. Танҳо мазҳаби таҳаммулгарои Имоми Аъзам ва додани минбар ба шахсиятҳои маъруфи ин мазхаб метавонад пеши роҳи ифротгароиро бигирад. Ҳоло ин шахсиятҳо куҳансол шуда истодаанд. Барои ин сулоларо давом додан бояд хатман гимназия ва литсейҳои исломӣ кушоянд ва тарзи таълим назорат карда шавад. Одами нодон мисли кӯр аст, мегӯяд халқ. Бояд ин ҷавононро аз гумроҳӣ ва роҳи бад баргардонд. Бастану манъ кардан роҳи ҳалли масъала нест. Гимназияи исломи ҳатмист, новобаста аз хоҳиши баъзе шахсон, ки фикр мекунанд, ҳар қадар банданду манъ кунанд, комёб мешаванд, вале онҳо хато мекунанд.
Эҳсони ХУШБАХТ, сухангӯи Вазорати маориф ва илми Тоҷикистон
Аз сабабе ки бинои феълии Гимназияи исломӣ мавриди баҳси додгоҳие шудаасту бояд ба соҳибонаш баргардонида шавад, шояд масъулини гимназия хонандагони синфи 10 ва 11-умро, ки ҳудуди 200 нафаранд, дар Донишкадаи исломи ҷой кунанду боқимонда дар муассисаҳои таълимии шаҳр ба таҳсил фаро гирифта шаванд.
Меҳмоншоҳ ШАРИФЗОДА, ҷомешинос
Яке аз фазилатҳои ҷомеаи демократи ин аст, ки ин ҷомеа модел ё чорчӯбаи муайян надорад ва ҳар як давлат вобаста ба арзишҳо, идеяҳо, ормонҳо ва орзуҳои мардуми худ бояст ин ҷомеаро бунёд кунад. Ин аст ки фикр мекунам гимназияи исломӣ ва ё миллӣ-исломӣ дар Тоҷикистон агар мехоҳем як фазои солими иҷтимоӣ дошта бошем, як амри зарурист. Гуфтан зарур аст ки маориф ба “исломӣ”, “масеҳӣ” ва ё “шарқиву ғарбӣ” ва умуман ба идеология кор надорад. Ин идеология аст, ки ба маориф кор дорад ва зиёдтар аз ин, дар сохтмони ҳуввият ва идеологияи миллии мо арзишҳои созандаи исломӣ нақшӣ муҳим доштанд ва хоҳанд дошт. Ва имрӯз агар хоҳем, ки шахсияти пурра, на равонгусехтаро, дошта бошем мебояд арзишҳо, идеяҳо ва идеалҳои фарҳангии исломии хешро бе мамониат, бе тарс дар барномаҳои кўдакистонҳо, мактабҳо ва донишгоҳҳоямон дохил намоем. Маорифи мо он вақт пурра мешавад ки дар кўдакистонҳои мо, дар мактабҳои мо ва дар донишгоҳҳои мо арзишҳои дини-номусӣ чун дар бисёр мамлакатҳои тарақикардаи дунё таълим дода шаванд ва дар сохтмони шахсиятҳои мо нақши бунёдӣ дошта бошанд. Ин арзишҳо ва донишҳоро на бояд фишор оварда ба гӯшаҳо, ба торикиҳо пароканда кард, балки онњоро бояд ба оғӯш гирифт то парокандагиҳоямон ҷамъ ва торикиҳоямон рӯшан гардад.
Ба таъкидҳои зиёди Президенти Тоҷикистон Эмомалӣ Раҳмон дар бораи ҷузъи таркибии фарҳанги милли будани арзишҳои Исломӣ нигоҳ накарда аз барномаи мактабҳо бардоштани дарсҳои ахлоқӣ ва маърифатии исломӣ кори хайр набуд. Талабаҳо ва донишҷуёни ин сарзамин ба бисёр масъалаҳои ҳаётии воқеияти хеш ҷавоби дуруст ва амиқ меҷўянд ва беҳтар мебуд, ки ин ҷавобҳоро на аз одамони тассодуфӣ, балки аз устодони аз таърих, фарҳанг ва ҳуввияти Тоҷикон огоҳ мегирифтанд. Умуман дар мактабҳои Тоҷикистон аз давраи Шӯравӣ боз масъалаи омӯзиши илм ва дониш ва алоқамандии илм ба истеҳсолот ба таври равшан ҳал шудааст ва мо дар ин соҳа таҷрибаи замонавии худро дорем ва ба кумаки ҳеч кас эхтиёҷ надорем ва ин ба мо имконият медиҳад фарзандони худро бе нишондоди дигарон тарбият кунем.
ШУМО НИЗ АНДЕШАИ ХУДРО БИНАВИСЕД. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Декабр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | |||||
