“The Economist” дар бораи “Агроинвестбонк”, Алимардонов ва кумакҳои хориҷӣ
Ба иттилои нашрияи чопи Бритониё, ин таққалуб монанди қазияи соли 2007-ум аст, ки аз сӯи Сандуқи ҷаҳонии пул ифшо шуд. Нашрия навиштааст, он замон Муродалӣ Алимардонов, раиси вақти Бонки миллии Тоҷикистон захираҳои кишварро 3 баробар аз сатҳи воқеӣ болотар гуфт: “Зоҳиран ин корро ба хотири ниёзманд будани Тоҷикистон ба кумакҳои изофӣ кард”.
“The Economist” мегӯяд, Сандуқи ҷаҳонии пул аз Тоҷикистон хост, 47 миллион долларро баргардонад ва аз ширкати Ernst & Young дархости гузаронидани аудит кард. Бозрасии ин ширкат фиребу бепарвоӣ, мисли сӯзондани китоби қайдҳоро нишон дод. Инчунин ифшо кард, ки бонк дар бораи 550 миллион доллар қарз ба лоиҳаҳои пахта, ки ба Алимардонов рабт доранд, гузориш накардааст. Ин нашрия маъруф дар идома навиштааст, Сандуқи ҷаҳонии пул баъди ин қазия се соли оянда дар ҳаҷми 116 миллион доллар қарз дод: “Аммо, фиребгарӣ давом дошт. Аснод нишон медиҳад, ки баъди он ки Алимардонов муовини нахуствазир дар умури кишоварзӣ таъин шуд, “Агроинвестбонк” ба ширкатҳои хусусии пахтакорӣ, ки хешҳои наздики Алимардонов аз онҳо манфиатдоранд, дар ҳаҷми 120 миллион доллар қарз додааст”.
Ба навиштаи муаллифи ин матлаб, аз соли 2012 қарзҳо дефолт шуданд, “раисиҷумҳур ба вазири молия фармон дод, ки “Агроинвестбонк”-ро аз буҷет дубора сармоягузорӣ кунад. Ба гуфтаи як корманди бонк ҳуҷҷатҳои ин қарзҳо гум шуданд. Эмомалӣ Раҳмон дар номаи худ ба Бонки ҷаҳонӣ ваъда дод, қарздиҳии мустақим қатъ хоҳад шуд. Моҳи апрел Алимардонов раиси “Агроинвестбонк” таъин шуд. Ӯ дучори мушкили аст. Қарзҳои бонк беш аз дороиҳояш дар ҳудуди 100 миллион доллар аст”.
Манбаъ гуфтааст, дар кишваре, ки ниҳодҳои ҳукуматӣ ба фоидаи мардуми оддӣ кам кор мекунанд, бархе Алимардоновро ба ҳайси як хайрхоҳ мешиносанд. Нафаре, ки дар кишоварзӣ ислоҳот кард. Ӯ қарзҳоро ҳимоят мекунад. Мегӯяд, саҳмдорони “Агроинвестбонк” ин қарзҳоро ба “далелҳои патриотӣ” додаанд ва қарздорҳо то соли 2020 хоҳанд пардохт: “Саҳмдорон шак доранд. Бонки аврупоии бозсозӣ ва рушд, ки чоряки “Агроинвестбонк”-ро соли 2009 харида буд, мегӯяд, қарзҳо бидуни огоҳии онҳо дар шароити муғойир бо таҷрибаҳои бонкдорӣ пардохта шуданд. Аммо, ин донорҳоро наметарсонад. Онҳо дар ҳоли баррасии як дархости дигар аз ҳукумат барои пур кардани “шикофи буҷа” ҳастанд”.
Ба иттилои нашрия, Тоҷикистон ба хотири рукуди иқтисодии Русия куфта шуд. Бонки ҷаҳонӣ ва Бонки осиёии рушд, ки соли 2009 ҳарду ба Тоҷикистон ҳудуди 140 миллион доллар қарз доданд, имсол ҳам қарор аст, 40 миллион доллар бидиҳанд: “Бонки осиёии рушд гуфтааст, қазияи “Агроинвестбонк” ба тасмими онҳо таъсир нахоҳад гузошт. Ҳукуматҳои ғарбӣ ниёзҳои кӯчаки иҷтимоии зиёдро маблағгузорӣ мекунанд. Барои мисол, Оҷонсии ИМА оид ба рушди байналмилалӣ (USAID) соли гузашта барои Тоҷикистон 25 миллион доллар дода буд. Як мудири аршад аз як ширкати қарздиҳии хориҷӣ гуфт, “кори мо бо он андозагирӣ мешавад, ки чӣ қадар пулро аз дар берун мекунем”.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
