17 июн 2015 08:31Тоҷикистон / Ҷавонон ва варзиш / Тема дня

Интиқоди Муҳсин Муҳаммадиев аз сардовар ва Федератсияи футболи Бангладеш

Муҳсин Муҳаммадиев, сармураббии тими миллии футболи Тоҷикистон гуфтааст, аз бозии футболбозони тоҷик дар дидор бо яккачини Бангладеш розӣ нест. Ин нуктаро оқои Муҳаммадиев баъди анҷоми бозии мунтахаби кишвар бо Бангладеш, ки мусовӣ-1:1 анҷом ёфт, иброз доштааст.

Бино ба иттилои Федератсияи футболи Тоҷикистон, сармураббии мунтахаби кишвар дар нишасти хабарии созмонёфтае инчунин аз сардовари бозӣ интиқод кардааст: “Довар тамоми бозиро вайрон кард. Гол ба дарвозаи мо баъди ҷаримае, ки набуд, зада шуд. Ду бозигари ҳариф бо оринҷ ба чашми Аҳтам Назаров заданд, аммо сардовар хомӯш буд, аммо барои хурдтарин ҳолат ба бозигари мо корти сурх нишон дод”.

Муҳсин Муҳаммадиев аз намояндаҳои Федератсияи футболи Бангладеш ҳам шикоят карда гуфтааст, “мо дар муддати дуюним соат то тамрингоҳ расидем ва баъди тамрин боз ҳамин қадар вақт сарф шуд то ба меҳмонхона бирасем. Дар ягонҷои дунё чунин нест”.

Дидори тимҳои миллии Тоҷикистону Бангладеш рӯзи 16 июн дар шаҳри Дакаи Бангладеш баргузор шуда, ҳисобро капитани дастаи Бангладеш -- Мамунул Ислам дар дақиқаи 50 боз кард. Голи ҷавобии Тоҷикистонро Фатҳулло Фатҳуллоев дар дақиқаи 88-уми бозӣ ба ҳадаф расонд.

Тоҷикистон дар сабқати интихобии Ҷоми ҷаҳон-2018 ҳамроҳ бо Австралия, Урдун, Қирғизистон ва Бангладеш дар гуруҳи “В” аст. Дар бозии аввали ин гуруҳ мунтахаби футболи Тоҷикистон шоми 11 июн бо ҳисоби 1:3 аз Урдун шикаст хӯрд.

ҶАДВАЛИ БОЗИҲО

Даври 1
11 июн (панҷшанбе)
20:00 – ТОҶИКИСТОН – Урдун 1:3
Душанбе, Варзишгоҳи марказӣ

15:00 – Бангладеш – Қирғизистон
Дакка, Варзишгоҳи миллӣ

Даври 2.
16 июн (сешанбе)
15:00 – Бангладеш – ТОҶИКИСТОН 1:1
Варзишгоҳи миллии Бангабандҳу

18:00 – Қирғизистон – Австралия
Бишкек, варзишгоҳи ба номи Долен Омурзаков

Даври 3
3 сентябр (панҷшанбе)
19:00 – Австралия – Бангладеш
Перт, варзишгоҳи НИБ

20:00 – Урдун – Қирғизистон
Ирбид, варзишгоҳи "Ал-Ҳасан"

Даври 4
8 сентябр (сешанбе)
18:00 – ТОҶИКИСТОН – Австралия
Душанбе, Варзишгоҳи марказӣ

18:00 – Бангладеш – Урдун
Варзишгоҳи миллии Бангабандҳу

Даври 5
8 октябр (панҷшанбе)
18:00 – Қирғизистон – ТОҶИКИСТОН
Бишкек, варзишгоҳи ба номи Долен Омурзаков

19:00 – Урдун – Австралия
Уммон, варзишгоҳи байналмилалӣ

Даври 6
13 октябр (сешанбе)
19:00 – Урдун – ТОҶИКИСТОН
Уммон, варзишгоҳи байналмилалӣ

18:00 – Қирғизистон – Бангладеш
Бишкек, варзишгоҳи ба номи Долен Омурзаков

Даври 7
12 ноябр (панҷшанбе)
17:00 – ТОҶИКИСТОН – Бангладеш
Душанбе, Варзишгоҳи марказӣ

Австралия – Қирғизистон

Даври 8
17 ноябр (сешанбе)
17:30 – Бангладеш – Австралия
Варзишгоҳи миллии Бангабандҳу

17:30 – Қирғизистон – Урдун
Бишкек, варзишгоҳи ба номи Долен Омурзаков

Даври 9
24 март (панҷшанбе)
Австралия – ТОҶИКИСТОН

17:00 – Урдун – Бангладеш
Уммон, Варзишгоҳи байналмилалии Шоҳ Абдуллоҳ

Даври 10
29 март (сешанбе)
18:00 – ТОҶИКИСТОН – Қирғизистон
Душанбе, Варзишгоҳи марказӣ

Австралия – Урдун.

Мӯҳр

Хабарҳои монанд:

Дарвеш

Хаминашам хело хуб аст акаи Мухсин иншоолох аз ин бехтараш мешавад, хар кор охиста охиста мешавад мувафакият орзумандам

Ҷавоб диҳед Иқтибос Шикоят

Истиклол

ОФАРИН, ОФАРИН
Бале Мухсинчон мешудастку! Так держат

Ҷавоб диҳед Иқтибос Шикоят

Саид

Харчанд Мухаммадиев, дар макоми мурабби, дар кахрамонии Руссия муваффакиятхое дошт, аммо ба назар мерасад, ки сатхи хирфаияш дар ин кор норасоихои чидди дорад. Хамаша аз дигарон норози аст - аз Казакистон, аз тими миллии Точикистон, аз Бангладеш, аз доварон...
Чунин "интикодхои" бемаврид ба суди кор нест, баръакс, вазъи равонии тими миллиро хароб мекунад. Маълум аст, ки мушкилихо зиёданд ва агар онхоро паси сар карда наметавонад, бехтараш канор биравад. Бо рафтори "ман нобигаяму шумохо бекифоят" ба чое намерасад.

Ҷавоб диҳед Иқтибос Шикоят

Пеле

Чавоб ба Саид,
Худуш енда футболный обозреватель, дар диван шишта футбол тамошо мекна. Як ё ду круги стадион бдав баъд мефахми футбол чияй. Рост мега Мухсин хакикатан хамин хел мебошад, барои чои намоёнро гирем гуфта дастахои мунтахаби давлати кабул кунанда харакат мекунад, ки футболбозони дастаи мехмонро пеш аз бози асабониву монда кунонанд.

Ҷавоб диҳед Иқтибос Шикоят

Ҳолдон

Хайййррр акои Муҳсин, акнун фаҳмидед, ки футболбозони аврупоӣ худро дар Тоҷикистон чӣ хел ҳис мекунанд?
Шароити бозингарҳои тоҷикро беҳтар кунед.
Шикоят доред, рафта ба федератсияи футболи осиё гӯед.

Ҷавоб диҳед Иқтибос Шикоят

Эзоҳ илова кунед