16 июн 2015 09:09Тоҷикистон / Иқтисодӣ / Тема дня

Убайдуллоев дар Рамазон захираҳоро ба бозор мебарорад

Маҳмадсаид Убайдуллоев, раиси шаҳри Душанбе дар ҷаласаи рӯзи 15 июн бо таваҷҷуҳ ба фарорасии моҳи шарифи Рамазон, ба масъулини бозорҳои пойтахт супориш додааст, маҳсулоти хушсифати худро ба савдо гузоранд.

Тибқи иттилои Дафтари матбуоти шаҳрдорӣ, Убайдуллоев зимни ҷаласа, таваҷҷуҳи масъулини бозорҳоро дар арарфаи моҳи Рамазон дар асоси нақшаҳои қаблан тарҳрезишудаи шаҳрдорӣ оид ба ғанӣ гардонидани бозори истеъмолӣ ва пурфайз намудани дастурхони сокинон ҷалб намудааст.

Ба иттилои манбаъ, шаҳрдорӣ хостори пешниҳоди нархҳои алтернативии маҳсулоти ғизоӣ ва ба ин васила мусоидат намудан ба пешгирӣ аз болоравии нарх дар бозори истеъмолии шаҳр шудааст. Маҳмадсаид Убайдуллоев дастур додааст, ҳамарӯза корхонаҳои воҳиди давлатии “Оид ба истеҳсол, харид, захира ва фурӯши маҳсулоти ниёзи аввалия дар шаҳри Душанбе”, “Бозори Шоҳмансур”, “Бозори Саховат”, “Бозори Деҳқон” ва “Бозори Қарияи боло”, инчунин дигар бозорҳои хусусӣ аз ҳисоби захираҳои дохилиашон маҳсулоти ниёзи аввалияи хушсифатро ба савдо гузоранд.

Ба иттилои манбаъ, раиси шаҳри Душанбе иброз дошта, ки барои ҳимояи ҳуқуқи истеъмолкунандаҳо ва коҳиши нуфузи субъектҳои монополистӣ сохторҳои марбутаи назорати давлатӣ тадбирҳои фаврию мақсаднокро роҳандозӣ намоянд.

Қаблан, Маркази исломии Тоҷикистон эълон кард, аввалин рӯзи моҳи шарифи Рамазон 18 июн оғоз мешавад.

Мӯҳр

Хабарҳои монанд:

Илтимос раис ба бозорхо дахолат накунед. Солхои пеш ки дахолат кардед, ягон натичаи мусби нашуд. танхо моли босифат подприлавка шуду, моли пастсифатро ба савдо мебароварданд. Ин ташабуссатон ба фиакрам танхо худнамоишдихи аст.

Ҷавоб диҳед Иқтибос Шикоят

шахрванд

Мухтарам Мири шахр.
аввало. рахмат ба икдоми нек, лек ин кор ягон натичае намедихад, баръакс бисьер савдогарон нархро баланд мекунанд. Дар ин кору рафтор, кай шахри озодаи Душанбе мисли Хучанд мешуда бошад.
Гумон. хол он ки акбаро агар банданд, ана нарх ба осмон мисли самолет мепара.

Ҷавоб диҳед Иқтибос Шикоят

хакикат талх аст

Хай мебине гапи МИРи шахр дар савдогарои бозор чихел мегузарад!----Озодагон илтимос дар рафти мохи Шарифи Рамазон низ ин мавзугро тахти номи "К,адри Убайдуллоев"- пайгири кунед, то бубинем натичаи супоришхояшро

Ҷавоб диҳед Иқтибос Шикоят

578

Нафароне ки нарххоро баланд мекунанд(беасос)рузаашон дуруст нест мусалмонон бояд бо рафтори худ бояд рузадор будани худро исбот намоянд.

Ҷавоб диҳед Иқтибос Шикоят

Эзоҳ илова кунед