(ВИДЕО) Вазири адлия дар бораи миллиардҳои шубҳаовар, агент ва...(Навшуда)
Рустам Шоҳмурод, вазири адлияи Тоҷикистон зимни муаррифии тағйиру иловаҳо изҳор дошт, бо қабули ин меъёр созмонҳои ҷамъиятӣ уҳдадоранд, дар бораи сарчашмаҳои маблағгузорияшон ба мақомоти тоҷик иттилоъ диҳанд. Ба гуфтаи ӯ, ташкилотҳои ҷамъиятӣ вазифадоранд, даромадашонро дар феҳристи махсуси ёрии башардӯстона сабт кунанд. Ба иттилои вазири адлия, тартиби пешбурди ин феҳристро ҳукумати Тоҷикистон муайян мекунад.
Вазири адлия дар пайи қабули қонун ба “Озодагон” гуфт, мақомоти Тоҷикистон ягон ҳадафи маҳдудсозӣ ва фишор болои созмонҳои ҷамъиятиро надошта, танҳо ният доранд дар масъалаи сармоягузорӣ шаффофиятро таъмин кунанд: “Ташкилотҳо фикр кардаанд, ки мо мехоҳем низоми иҷозатдиҳии қабули маблағҳои хориҷиро ҷорӣ кунем. Мо ин ниятро надорем, онҳо фақат огоҳ мекунанд, ки кадом маблағҳоро қабул карда истодаанд ва бо кадом мақсад. Имрӯз агар 2600 ташкилоти ҷамъиятӣ дар ҷумҳурӣ бошад, фақат қариб ҳазор ташкиот ҳисобот додаасту боқимонда не. Ин ҳам қонуншиканӣ аст ва агар мо ин хел гирем ҳуқуқ дорем ин масъаларо пайгирӣ кунем. Ба баъзеяшон огоҳӣ низ додаем”.
Ӯ инчунин ҳисобу китобро, ки гӯиё соли гузашта созмонҳои ҷамъиятӣ ҳудуди 4,5 миллиард сомонӣ маблағ гирифтаанд, шубҳаовар хонд: “Шубҳа дар он аст, ки мумкин, ки тартиби ҳисобкуниямон нодуруст бошад, барои он ки як грантро як ташкилот мегираду ба 5-6 ташкилоти ҷамъиятии дигар тақсим мекунад. Мумкин мо ҳаминро дубораву себора ҳисоб карда бошем. Лекин ин хатоиҳои мо мумкин, ки атрофи 10% бошад ва ҳозир ҳам ҳисобу китоб карда истодаем”.
Вазири адлия афзуд, ки маблағҳои калон асосан дар манотиқи куҳӣ, дар он ҷойҳое ҳастанд, ки Бунёди Оқохон фаъолият мекунад. Ӯ илова кард, ки ба ғайр аз ин дар масъалаҳои сиёсӣ, иқтисодӣ ва иҷтимоӣ маблағҳои дигаре низ мавҷуданд, ки мо бояд онҳоро назорат барем.
Рустам Шоҳмурод инчунин таъкид кард, дар мавриди созмонҳои ҷамъиятӣ аз дунболи Русия нарафтаанд ва иттиҳодияҳои ҷамъиятиро ба агентҳои хориҷӣ баробар накардаанд: “Русия барои назорати маблағҳо мафҳуми агенти хориҷӣ, низоми махсусро ҷориӣ кардааст. Мо ба ин роҳ нарафтем. Иттиҳодияҳо зимни мулоқотҳо аз мо хоҳиш карданд, ки таҷрибаи Русияро дар ин маврид истифода набаред, ба ҳамин хотир мо онро истифода накардем”.
Рустам Шоҳмурод изҳор дошт, ҳадафи ворид намудани ин навгониҳо ба қонун “Дар бораи иттиҳодияҳои ҷамъиятӣ” таъмини шаффофияти маблағгузории созмонҳо аз хориҷи кишвар мебошад. Ӯ илова кард, инчунин мақсад аз ин тағйирот дар қонун пешгирӣ аз маблағгузории терроризму экстремизм ва дигар равандҳои номатлуб мебошад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
