Барои вуруд ба як донишгоҳ ду бор имтиҳон: натиҷаи кадоме бартар?
Ин довталабон мегӯянд, новобаста аз ин ки барои ворид шудан ба донишгоҳи мазкур дар нуқтаҳои Маркази тестӣ номнавис шудаанд, аз онҳо талаб шудааст, ҳатман дар донишгоҳ сабти ном шаванд. Дар сурати номнавис нашудан новобаста аз натиҷаҳои имтиҳоноти марказонидашудаи дохилшавӣ ба ин Донишгоҳ пазируфта намешаванд.
Бо ин мазмун торнамои Маркази тестӣ ҳам як эълоне ба таваҷҷуҳи довталабони ин донишгоҳ нашр карда, аз онҳо хостааст аз 1 то 25 июл барои сабти ном шудан ба Комиссияи қабули ин донишгоҳ муроҷиат намоянд.
Савзалӣ Ҷаъфаров, муовини аввали директори Маркази миллии тестии назди Президенти Ҷумҳурии Тоҷикистон ба “Озодагон” гуфт, ин тартиб бар пайи як муроҷиати ректори Донишгоҳи давлатии Маскав, академик А. Садовничий унвонии Президенти Тоҷикистон муқаррар шудааст: “Зеро бар асоси Қонуни федералии Федератсияи Русия “Дар бораи Донишгоҳи давлатии Москва ба номи М. В. Ломоносов ва Донишгоҳи давлатии Санкт-Петербург” ба ин донишгоҳ ҳуқуқ дода шудааст, ки ҳангоми қабул барои таълим аз рӯйи барномаҳои бакалавриат ва барномаҳои омода кардани мутахассисон аз рӯйи равияҳои таълим (ихтисосҳо), ки ин донишгоҳҳо муайян менамоянд, санҷишҳои иловагии равияи тахассусӣ доир намояд. Аз ин рӯ, дар мувофиқа бо Ҳукумати Ҷумҳурии Тоҷикистон розигӣ дода шуд, ки довталабони филиали ин донишгоҳ, дар баробари имтиҳонҳои марказонидаи дохилшавӣ (ИМД), дар филиали зикршуда имтиҳони иловагии махсусро супоранд”.
Ба гуфтаи ҷаноби Ҷаъфаров, довталабоне, ки ҳам аз имтиҳоноти ягонаи дохилшавӣ ва ҳам аз имтиҳоноти махсуси филилали Донишгоҳи давлатии Маскав мегузаранд, бояд дар хусуси даст кашидан аз тақисмоти довталабон ба дигар муассисаҳои таҳсилоти олӣ ба Маркази тестӣ ариза нависанд. Вале дар сурати нагузаштан аз имтиҳоноти махсуси ин донишгоҳ онҳо ҳуқуқ доранд, дар тақсимот ба ихтисосҳо иштирок намоянд.
Дафтари матбуоти Маркази тестӣ мегӯяд, ҳадаф аз дигарбора номнавис шудан дар пойгоҳи додаҳои ягонаи довталабони Донишгоҳи давлатии Маскав ба номи Ломоносов ворид кардани маълумоти зарурӣ дар бораи довталабони филиали он дар шаҳри Душанбе мебошад ва тартиби номнавис шуданро комиссияи ҳамин донишгоҳ муайян мекунад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
