02 июн 2015 09:29Тоҷикистон / Иқтисодӣ / Тема дня

Қурби доллар дар Тоҷикистон боз боло рафт

Қурби доллари амрикоӣ дар Тоҷикистон дубора боло рафт. Субҳи 2 июн дар лавҳаҳои аксари саррофиҳои шаҳри Душанбе арзиши як доллар 6,45-6,47 сомонӣ нишон дода шудааст.

Аммо тавре хабарнигори "Озодагон" аз хиёбонҳои Душанбе иттилоъ дод, дар аксари саррофиҳои пойтахт як доллар 6,47-6,48 сомонӣ харидорӣ ва то 6,55 сомонӣ фурӯхта мешавад. Дар ҳоле ки дирӯз 1 июн арзиши як доллар 6,40-6,42 сомониро ташкил медод.

Ин ҷаҳиши дубораи қурби доллар дар Тоҷикистон дар ҳолест, ки рӯзи 29-уми майи соли равон дар бархе аз саррофиҳои Душанбе арзиши як доллар то 5,80 сомонӣ поин рафта буд ва масъулини Бонки миллии кишвар низ дар шарҳи ин хабар гуфтанд, “Сабабҳои паст шудани қурби долл. ИМА-и нақдӣ ин аз як тараф зиёд шудани пешниҳоди он ба бозори дохилӣ аз ҷониби ташкилотҳои қарзӣ, барқарор шудани тамоми манбаҳои ворид шудани асъори хориҷӣ ба ҷумҳурӣ, аз ҷумла аз содирот ва интиқоли пулии шаҳрвандон, кам шудани ҳаҷми асъори аз ҷумҳурӣ ба хориҷа бароянда, аз тарафи дигар пурзӯр шудани назорати истифодаи асъори хориҷӣ дар муомилот зарурияти танҳо бо сомонӣ харидорӣ шудани молҳои гаронарзишро ба миён овард ва талаботро ба долл. ИМА-и нақдӣ кам кард”.

Қурби рубли русӣ, ки дар пайи поин рафтани нархи доллар арзиши он коҳиш ёфта, 1000 рубл баробар ба 105 сомонӣ шуда буд, имрӯз, 2 июн дар лавҳаи саррофиҳои Душанбе ҳазор рубл 120-121 сомонӣ нишон дода шудааст.

Мӯҳр

Хабарҳои монанд:

Навруз Носири

Бонки Миллиро пурсидан даркор сабаби баландшавиаш дар чист???Илтимос пурсет ва макола чоп кунед.Бо раиси БМ савол тиед

Ҷавоб диҳед Иқтибос Шикоят

сомони

Раиси нав худша як тема кард лекин аз ед набарорад,ки
Кар Додари Кур аст. Аз дасташон ягончи намебиед.

Ҷавоб диҳед Иқтибос Шикоят

мпавы

Сабаби боло рави курби доллару рубл ин боду хаво мебошад

Ҷавоб диҳед Иқтибос Шикоят

Абдулло

Раисо хама бонкора бо доллар запт кардагиян чи гуна метавонанд курби долларро поин фуроранд.. Сер аз гурусна йод надорад...

Ҷавоб диҳед Иқтибос Шикоят

Юсуф

Худро ба нодонӣ назанед. Пул, аз ҷумла пули хориҷӣ, низ мол аст. Барои худ арзиш дорад. Агар зиёд бошад, арзон мешавад ва агар кам бошад, нархи он боло хоҳад рафт. Маълум аст охир, барои чӣ доллар муддате арзон ва акнун гарон шуда истодааст. Тоҷикистон иқтисоде надорад, ки қурби сомониро таъмин намояд, яъне содироти (экспорти) амвол ба сифр баробар аст. Пас доллару дигар асъори хориҷӣ аз ҳаво биояд? Ягона манбаъи вуруди асъори хориҷӣ ин рубли русӣ аст, ки бо арақи ҷабини мардикорони тоҷик ба даст омада, аз Русия ба Тоҷикистон интиқол мегардад. Баъзеҳо рубли хешро дар Русия ба доллар иваз намуда (аз бало ҳазар, гӯён), ба хона доллар мефиристанд. Тавре медонем, як ду моҳи ахир қурби рубли русӣ нисбат ба доллар боло рафта буд. Ана аз хотири чӣ муддате доллар поён шуда буд. Мардикорон бештар доллар мефиристоданд. Ҳоло рубли русӣ боз поён рафта истодааст. Ин ба даромади мардикорон таъсир мекунад ва дар натиҷа интиқоли он ба Тоҷикистон кам мегардад. Пас доллар боз гаронтар мешавад, зеро кам шуд. Акнун равшан шуд, ки ҳамаи мо аз ҳисоби мардикорони бечора ва танҳову беҳимоят дар Русия зисту зиндагӣ мекунем? Бонки миллӣ бояд мардонавор ба ин далели айён иқрор шавад. Вазъияти иқтисодӣ натанҳо ҳузнангез (гиряовар), балки даҳшатангез аст.

Ҷавоб диҳед Иқтибос Шикоят

Эзоҳ илова кунед