Кумитаи амният иттилоъ дар бораи шарикони Ҳалимовро рад кард
Тибқи иттилои маркази равобити ҷамъиятии Кумитаи давлатии амнияти миллӣ, иттилои “ТАСС”, ки аз қавли манобеяш дар Кумитаи амният хабар додааст, гӯиё Ҳалимов бо худ ду нафари дигарро ба Сурия бурдааст, асос надорад. Кумитаи амният мегӯяд, чунин иттилоъро надорад ва аз масъулини ин ниҳод касе дар ин бора ба расонаҳо хабар надодааст.
Қаблан хабаргузории "ТАСС" аз қавли манобеяш дар Кумитаи давлатии амнияти миллӣ иттилоъ дод, ки Ҳалимов бо ду ҷонибдораш ҳанӯз охири моҳи апрел ба Сурия рафта, ба созмони террористии "Давлати исломӣ" пайвастаанд. Манбаъ изҳор доштааст, ки феълан Додситонии кул алайҳи Ҳалимов парвандаи ҷиноӣ оғоз карда, амалиёт барои муайян кардани шахсияти ду нафар ҳамроҳаш идома дорад.
Ин дар ҳолест, ки ахиран дар бахши кофтукоби сомонаи пулиси байналмилалӣ ё худ “Интерпол” эълон дар бораи кофтукоби Гулмурод Ҳалимов нашр шуд, вале субҳи рӯзи 1-уми июн ин эълон аз сомона гирифта шудааст. Дар он эълон гуфта мешуд, ки Ҳалимов дар узвият ба созмони террористӣ муттаҳам мешавад: "Гулмурод Ҳалимов 1,8 метр қад, 80 кило вазн ва мӯи сари сиёҳ дошта, донандаи забонҳои тоҷикӣ, русӣ ва англисӣ мебошад". Пулиси байналмилалӣ аз афроде, ки дар бораи ӯ иттилое доранд, хоста буд, ки ба мақомоти дахлдор хабар диҳанд.
Гулмурод Ҳалимов, фармондеҳи 40-солаи дастаи таъйиноти махсуси ВКД ё “ОМОН”-и Тоҷикистон, ки як моҳ қабл аз шаҳри Душанбе бедарак шуд, рӯзи 27-уми май тариқи як навори видеоӣ дар интернет аз пайвастанаш ба созмони “Давлати исломӣ” хабар дод. Ӯ хатмкарда Академияи ВКД-и Тоҷикистон буда, дар гузашта дар Русия ва Амрико таълим гирифтааст.
Пуҷа Ҷҳунҷҳунвала, сухангӯи гуруҳи амниятии Вазорати умури хориҷаи Амрико дар суҳбат бо “CNN” таъйид кардааст, ки воқеан полковник дар 5 давраи омӯзишии зиддитеррористӣ дар Амрико ва Тоҷикистон иштирок кардааст. Ин мақоми Вазорати хориҷии Амрико гуфтааст, Ҳалимов дар заминаҳои ҳолатҳои зиддибуҳронӣ, мудирияти тактикии руйдодҳои махсус ва раҳбарии тактикӣ омӯзиш дидааст. Ба ин тартиб як мақоми амниятии собиқ бо номи Майкл Бреен ба CNN гуфтааст, ки “ин кор хеле хатарнок аст, вақте ки як мақоми аршади зиддитерористӣ террорист мешавад”. Паул Шаре, як низомии собиқ ба CNN гуфтааст, ки Ҳалимов на танҳо ҷангҷӯёни ДИИШ-ро омӯзиш медиҳад балки метавонад дар ҷалб кардани дигарон ба ин гуруҳ кумак кунад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
