30 май 2015 09:12Тоҷикистон / Рӯ ба рӯ / Тема дня

Қатли директор ва муовин аз ҷониби омӯзгори варзиш дар Турсунзода (НАВШУДА)

Юлдош Айматов, мураббии шоиста, аълочии маориф ва омӯзгори тарбияи ҷисмонии мактаби рақами 7-и ҷамоати деҳоти 1-уми майи ноҳияи Турсунзода соати тақрибан 10-и рӯзи 29-уми май мудири ин мактаб Дилором Нишоноваи 51 сола ва муовинаш Гулнора Юлдошеваи 48-соларо бо зарби корд ба қатл расондааст.

Тибқи иттилои манобеи “Озодагон” Айматови 53-сола бо хоҳарон Дилором ва Гулнора хусумати корӣ-оилавӣ дошта, худаш ба мақомот таслим шудааст. Гуфта мешавад, ки қатли Гулнора зимни ҷамъомади субҳгоҳӣ дар саҳни ҳавлии мактаб дар ҳузури омӯзгорону донишомӯзон сурат гирифтааст.

Дар Вазорати умури дохилии Тоҷикистон низ ба “Озодагон” ин иттилоъро тасдиқ карда, афзуданд, ки 29-уми май, омӯзгори 53-солаи мактаби рақами 7-и Турсунзода аз сабаби вайрон шудани муносибатҳои корияш бо роҳбарияти мактаб соати 09:30-дақиқа аз бозор корди ошхонагӣ харида, дар ҳолати мастӣ, ҳадафмандона ба мактаби мазкур меояд: “Дар утоқи корӣ бо директори мактаб зани 51-солаи сокини шаҳри Турсунзода ҷангу ҷанҷол намуда, ба қисмати гардани ӯ бо корд як зарба мезанад, ки дар натиҷа ҷабрдида ҷароҳати вазнини ҷисмонӣ бардошта, дар ҷойи ҳодиса ба ҳалокат мерасад: “Сипас, гумонбаршуда бо ин ҷинояти содирнамудааш қаноат накарда, дар саҳни мактаб муовини директори мактаб, зани 48-солаи сокини ҳамин шаҳрро бо истифода аз корд якчанд маротиба ба узвҳои ҳаётан муҳими баданаш мезанад. Ҷабрдидаи дуюм аз ҷароҳатҳои вазнини бардоштааш дар беморхона ба ҳалокат расидааст”.

Вазорати умури дохилӣ мегӯяд, аз рӯи ин ҳодиса парвандаи ҷиноятӣ оғоз гардида, тафтишот идома дорад.

Мӯҳр

Хабарҳои монанд:

Бузург мехр

бафикрм хаму 400 500 сомонира надодпгиян дар малими бечора

Ҷавоб диҳед Иқтибос Шикоят

Саид

Бовардорам, ки хамин гуна ходисахо аз руйи рохбарии нохуби бештари рохбарон рух медиханд! Баъди фишорхои зиёд ва сиёсати нодуруст тори сари коргар окибаташ чунин мешавад!!

Ҷавоб диҳед Иқтибос Шикоят

Арифметика

Ба кавли русхо : "СИЛА есть, УМА ненадо"(мураббии ШОИСТА) ... Мумкин айби макомоти хокимият (маориф, прокуратура...) хам бошад ,агар ба онхо мурочиат карда бошаду чорачуи накарден !?

Ҷавоб диҳед Иқтибос Шикоят

Кулоби

Хубмешуд агар аз сади рохи хичобпушхову ришдорхо шудан. Барзиди шаробнушхову шаробфуршхо барномахои телевизони омода мекарданд. Шояд майхораги оини аждодии мо бошад ки нисбати ин бетарафи мекунанд.

Ҷавоб диҳед Иқтибос Шикоят

Абдуллох

Навиштачоти "Истеъмоли нушокихои спирти манъ аст"-ро аз ошхонаву чойхонахо бардоред ва фуруши нушокихои спиртиро дар ин гуна чойхо хатми кунед баъд хуб мешавад чанобон!

Ҷавоб диҳед Иқтибос Шикоят

махмуд

Дар давраи сохибистиклоли мактабхои Точикистон бе мардхо монданд.Сабабхояш :-) муздикор паст,мухочирати мехнати, ва аз мухимаш низоми модаршохии директрисахои мактабхо

Ҷавоб диҳед Иқтибос Шикоят

Рустам

Як чиз ачоиб, ки чи хел дар як мактаб ду хохарон директору муовин?

Ҷавоб диҳед Иқтибос Шикоят

Эзоҳ илова кунед