30 май 2015 17:19Тоҷикистон / Иҷтимоӣ
"Мегафон" дастрасӣ ба "Озодагон"-ро масдуд кардааст
Ба гуфтаи муштариён мушкили дастрасӣ ба сомонаи хабаргузории "Озодагон" тариқи хидматрасониҳои ширкати "Мегафон" баъди зуҳри 29-уми май пайдо шуда, то ҳол бартараф нагардидааст.
Ин дар ҳолест, ки қаблан ширкатҳои дастраскунандаи интернет дар Тоҷикистон дастрасӣ ба шабакаҳои иҷтимоии “Одноклассники”, "Фейсбук", “ВКонтакте” ва сомонаҳои хабарии радиои “Озодӣ”-ю хабаргузории “Азия Плюс”-ро низ масдуд карданд.
Корбарони интернет ба “Озодагон” гуфтанд, дастрасӣ ба "Одноклассники", "ВКонтакте" баъди нашри навор дар бораи ба созмони террористии “Давлати исломӣ” пайвастани Гулмурод Ҳалимов, фармондеҳи дастаи таъиноти махсуси ВКД, ё худ “ОМОН” масдуд гардид.
Хуршеди Андам, раҳбари бахши тоҷикии Радиои Озодӣ дар Душанбе дар суҳбат ба “Озодагон” изҳор дошт, ки аз нисфирӯзии 28 май ба ин сӯ дастрасӣ ба сомонаи радиои мазкур масдуд шудааст. Ӯ гуфт, ба Хадамоти алоқа ва ширкатҳои фароҳамкунандаи интернет муроҷиат кардаанд, аммо посухе дар робита ба бастани сомонаашон дарёфт накардаанд.
Зебо Тоҷибоева, масъули оҷонсии хабарии “Азия Плюс” низ изҳор дошт, аксари ширкатҳои фароҳамкунандаи интернет сомонаашонро бастаанд ва шарҳе ҳам надодаанд.
Бастани сомонаҳо дар ҳоле сурат мегирад, ки Гулмурод Ҳалимов, фармондеҳи 40-солаи дастаи таъйиноти махсуси ВКД ё “ОМОН”-и Тоҷикистон, ки як моҳ қабл аз шаҳри Душанбе бедарак шуд, рӯзи 27-уми май тариқи як навори видеоӣ дар интернет аз пайвастанаш ба созмони “Давлати исломӣ” хабар дод.
Дар пайи нашри ин навор қарори ҳанӯз аввали моҳи май қабулкардаи Додгоҳи Олии Тоҷикистон низ оммавӣ гардид, ки дар он бо пешниҳоди Додситонии кул “Давлати исломии Ироқу Шом” созмони террористӣ эълон шуда, ҳар гуна фаъолияташ дар Тоҷикистон мамнуъ мебошад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
