27 май 2015 16:44Оcиёи Марказӣ / Тоҷикистон

Фармони президент барои лағви раводид бо 37 кишвари дунё

Қазоқистон реҷаи бидуни раводид то 30 рӯзро барои кишварҳои узви Созмони ҳамкориҳои иқтисодӣ ва рушд ҷорӣ намуд. Дар ин бора бо такя ба як фармони раисҷумҳури ин кишвар Vlast.kz хабар медиҳад.

Ҳамчунин ин муқараротро барои шаҳрвандони АМА, Молайзия ё ва Сингопур низ ҷорӣ намуд.

Барои шаҳрвандони хориҷие, ки дар минтақаи молии “Остона” кор мекунанд ҳамроҳ бо аъзои дигари хонаводаашон реҷаи махсуси раводид барои то 5 сол роҳандозӣ шудааст.

Вазорати хориҷаи Қазоқистон гуфтааст, ки ин иқдом ба хотири таҳкими равобити дуҷонибаи муносибатҳои шарикӣ ва ҳамчунин эҷоди шароити мусоид барои ниҳодҳои касбу кори хориҷӣ ва сайёҳон да давраи буду бошашон дар қаламроави кишвар пеш гирифта шудааст.

Дар доираи ин лоиҳа шаҳрвандони кишварҳои зикршуда метавонанд ба Қазоқистон бидуни раводид биоянд ва аз мавзеъҳои таърихӣ, сайёҳӣ ва дигар маконҳои дидании ин кишвар боздид кунанд ва бо фарҳангу таомул шинос шаванд ё равобити тиҷоратӣ барқарор намоянд.

Созмони ҳамкориҳои иқтисодӣ ва рушд (ингл. Organisation for Economic Co-operation and Development, OECD) созмони иқтисодии байналмилалии кишварҳои рушдёфта мебошад, ки асосҳои демкоратияи намояндагӣ ва иқтисоди бозаргонии озодро эътироф намудаанд.

Дар ҳоли ҳозир 34 кишвари ҷаҳон - Австролиё, Утриш (Австрия), Белжик, Бритониёи Кабир, Маҷористон, Олмон, Юнон, Донморк, Исроил, Ирлондиё, Ислондиё, Испониё, Итолиё, Конодо, Люксембург, Мексико, Нидерланд, Зелондиёи Нав, Норвеж, Лаҳистон, Португолиё, Словакиё, Словениё, ИМА, Туркиё, Финлонд, Фаронса, Чех, Чили, Суис, Суидан, Эстониё, Куриёи ҷанубӣ ва Ҷопон узви ин созмон мебошанд.

Мӯҳр

Хабарҳои монанд:

нодонак

суис гучо буд?

Ҷавоб диҳед Иқтибос Шикоят

КАмтарнодон

Номи ин 34 давлатро дар сахифаи "Хандондидагииазтахтидил"-и Сол барои Озодагон монед, чои аввалро мегирад.

Ҷавоб диҳед Иқтибос Шикоят

Азимчон

Ин мавзуъ агар "Фармони президенти Казокистон барои лағви раводид бо 37 кишвари дунё"-ро мегирифт бахтарин мешуд.
Холо бошад як номе дорад, ки метавонад ба бисёрихо номаъкул бошад.

Ҷавоб диҳед Иқтибос Шикоят

Эзоҳ илова кунед